VOV4.K’Ho- Drim ngai 17/07, Ƀộ trưởng Ƀộ Gùng lòt- Jun pơndiang phan ồng Nguyễn Văn Thắng lơh dơ̆ lòt sền tŭ tơngai lơh rơndăp broă lơh gùng rơndeh lòt mhar gơwèt ù tiah Quảng Bình mờ Quảng Trị.

VOV4.K'Ho - Nggùl nhai 6 pa do, Anih jơnau đơs Việt Nam neh pơn đàng 3 jơnau cih bè gùng rơndeh nroat mhar lòt ală tiah tàm Tây Nguyên bơh Mpồl cau cih ƀău Anih lơh broă sùm tiah Tây Nguyên dê lơh. Ròt ală jơnau cih bè đơs tus bơta gơ kòl dờng ngan rlau jơh tàm bơtàu tơnguh lơh sa, mpồl bơtiàn bơh tiah do dê tŭ do là phan bơna gùng lòt ờ hềt tơl. Mờ kung đơs bơta kơp kờñ bơh gơnoar atbồ mờ làng bol ală jơi bơtiàn tàm tiah do dê bè broă sền sơ wì, kơlôi sơnơng bơcri priă lơh niam phan bơna gùng lòt, ngan là gờñ bơcri priă lơh ală gùng rơndeh ntoat mhar.

VOV4.K’Ho- Gah sền gàr mờ tam brê càr Dăk Lăk gam tơrgùm lơh pràn broă tam brê tàm kàl mìu mờ jơnau kờñ tam pa 1 rơbô 800 lồ brê.

VOV4.K’Ho- Ngai òr (16/07), Anih duh broă làng bol càr Lâm Đồng geh sră nggal jal mhar sồr ală anih lơh broă, mpồl lơh broă tàm càr mờ ală kơnhoàl, ƀòn dờng tàm càr dê mhar lơh jăt ală broă rơcang sơndră mờ me mrềt bal mờ mìu dờng. Lơh ngan ntrờn làng bol lik bơdìh tiah ngòt rơngơ̆t di gơlan gơtìp tơrlah ù, dà cò.

VOV4.K’Ho- Ngai òr (16/07), đơs tàm dơ̆ sồr lơh tàm pơrjum lơh pràn broă bơcri priă dà lơgar, Thủ tướng ồng Phạm Minh Chính sồr ală ƀộ trưởng, kwang atbồ gah lơh broă dà lơgar, Củ tịc Anih duh broă làng bol kấp càr tơrgùm lơh jăt nền nòn ală jơnau lơh nền bơh Cíñ phủ, jơnau sồr, jơnau hòi bơh Thủ tướng Cíñ phủ dê bal mờ ală sră nggal đơng lam bơh kwang đơng lam Cíñ phủ bè broă lam sồr, tam pà, bơcri priă dà lơgar nam 2024.

VOV4.K'Ho- Mho òr (16/07), tàm Hìu lơh broă Quôk hội, geh lơh dơ̆ tơlik mat pang sră “Quôk hội tàm tŭ tơngai tam gơl pa lơh jat jơnau kờñ bơt bơtàu, lơh sir Dà lơgar gơnoar adat boh lam xã hội củ nghĩa Việt Nam” bơh Tổng Ƀí thư ồng Nguyễn Phú Trọng dê.

VOV4.K’Ho- Drim ngai 16/07, tàm Hà Nội, Thủ tướng Cíñ phủ ồng Phạm Minh Chính đơng lam Pơrjum chồl tơngguh bơcri priă dà lơgar nam 2024.

VOV4.K’Ho- 6 nhai bồ nam do, lơh sa ƀòn dờng Đà Nẵng lơh geh khà gơguh 5%, lùp dồs priă dia Dà lơgar lơh geh 70% broă rơndăp lơh nam, gơguh rlau 31% pơndrờm dùl tŭ bal mờ nam lài.

VOV4.K’Ho- Di Tơngkah kir sơnrai 74 nam Ngai bơhiàn Ơruh pơnu lam lài lơgar Việt Nam dê (15/07/1950- 15/07/2024), mho ngai 15/07 tàm Hìu duh broă Củ tịc, Củ tịc lơgar ồng Tô Lâm neh tìp măt đềt mềr mpồl cau ala măt Mpồl Cau ơruh pơnu lam lài lài do Việt Nam dê di dơ̆ mpồl lòt Pơrjum kwang bàng gùt lơgar Mpồl Ơruh pơnu lam lài lài do Việt Nam dê.

VOV4.K’Ho- Ngai òr (15/07), tềng đăp mờ bơta trồ mìu dờng tàm uă tiah, càr Lâm Đồng tơlik jơnau yal lài bè bơta di gơlan gơtìp tơrlah ù tàm càr do, tàm hơ̆ uă ngan là tàm ală tiah geh bă ù dòr kơh, ù ờ kơl jăp.