Jàu ƀằng khen ai ală mpồl bal mờ cau dồ nă să in tàm mpồl lơh broă ling klàng mờ kwang àng tus bal dong kờl bơsong jơnau gơ lời wơl bơh tơrluh ù tàm lơgar Myanmar, Thủ tướng ồng Phạm Minh Chính đơs là, broă ai mpồl lòt dong kờl rềs àr, dong kờl cau gơtìp aniai bơh dơ̆ tơrluh ù tàm lơgar Myanmar geh kuơ dờng ngan, pơgồp bơnah ai tơnggŏ bơngă, gơnoar broă bơh dà lơgar dê; pơyua jơnau đơs bè dà lơgar, kòn bơnus Việt Nam đềt mềr, tàm kờñ gơboh bal kòn bơnus, nùs nhơm niam, dong kờl kòn bơnus, tam klac bal ală lơgar dờng màng; đơs nền bơngă pin dờn, pràn jak bơh Việt Nam dê tàm broă bơsong geh kơnòl ală broă dunia, sùm rơcang lài at tê bal bơsong ală broă kal ke, bơta lòng. Thủ tướng kung pà git, nam 2025 mờ tơngai tus, ală bơta lòng lơngăp lơngai ờ ờs mờng, ngan là bơta trồ tiah lơh aniai, rềs àr tàm dunia mờ tiah do ngai sơlơ kal ke, ờ gơtùi git lài mờ tàm lơgar, dà kŏ dà cò, trồ prang dờng soat dà, dà hang mut aniai, tơrlah ù.. mờ bơta aniai ngai sơlơ dờng digơlan gơlik geh, den tàng pal tơnguh rlau tai bơta kòn bơnus, lơngăp lơngai kòn bơnus, lơngăp lơngai, ring lơngai rài kis ai làng bol in.