Bồ nhai 4, jơh gùt càr geh rlau 430 rbô lồ chi tam kờñ pal tuh dà, uă ngan là ală chi jŏ nam priă jền uă, bè: kơphê, tiêu mờ ală bơta chi sa plai. Jăt Sờh Broă lơh sa sươn sre mờ Tiah ơm kis càr Dăk Lăk, dà tàm uă ngan ală tơnau tàm kờp jơh 620 tơnau dơng dà càr dê neh soăt uă ngan bơh 10 tus 15% pơndrờm bal dùl tŭ mờ ală nam lài, 22 tơnau neh soăt mpờl jơh tơr è lơm. Tŭ do, Kông ty Kơnòl nă să is Ătbồ broă bơ̆t bơtàu bơtơ̆t tơnau dà ngui sa Dăk Lăk gam lơh jăt broă lơh drơng wơl mờ trồ prang ai 6 broă bơ̆t bơtàu in, mờ kờp jơh bă ù drơng tuh dà rlau 1 rbô lồ.

Tàm hơ̆ geh 2 broă bơ̆t bơtàu tàm ù tiah kơnhoàl Buôn Đôn neh lơh sir, mờ kờp jơh bă ù neh geh drơng mờ trồ prang là 600 lồ, gam wơl gam pơn jăt tai lam lơh broă lơh drơng wơl mờ trồ prang tàm ală kơnhoàl: Lăk, Krông Năng mờ ƀòn drà dờng Buôn Hồ.