Dờp jơnau jà bơh Tổng Ƀí thư Mpồl đơng lam Đảng Kộng sản Việt Nam ồng Tô Lâm dê, Củ tịc lơgar Việt Nam ồng Lương Cường, Tổng Ƀí thư Mpồl đơng lam Đảng Kộng sản lơgar Lo, Củ tịc lơgar Lo ồng Tập Cận Bình rơcang lòt còp kâp dà lơgar tus lơgar Việt Nam bơh ngai 14 tus ngai 15/4/2025.

Kwang atbồ Anih lơh broă ala mat lơgar Việt Nam tàm lơgar Lo ồng Phạm Thanh Bình pà git: Bơta git gơp đah Việt Nam mờ Lo tàm tơngai lài neh gàr sùm bơta bơtàu tơnguh pràn kơldang, jơh nùs mờ geh uă bơta niam lơh broă bal geh pơn rơ tàm jơh ală broă. Dơ̆ lòt còp là tŭ nàng kwang đơng lam bồ kâp dờng 2 Đảng, 2 dà lơgar pơn jat tai cribơyai uă bè broă rơndap lơh, sền sơ wì bè bơta git gơp đah 2 Đảng, 2 dà lơgar, kuơmàng là cồng nha lơh geh tàm broă lơh jat ală jơnau ring bal bal kâp dờng, đal git ală gùng dà, broă lơh dờng sơlơ lơh bơta git gơp 2 Đảng, 2 dà lơgar Việt Nam mờ Lo bơtàu tơnguh kơ̆ kơljap, ngan ngồn mờ geh cồng nha rlau tai tàm tơngai tus.