VOV4.K’Ho- Ngai 18/03, tàm Hìu duh broă Cíñ phủ, Thủ tướng Cíñ phủ ồng Phạm Minh Chính neh wă rò Ƀộ trưởng Ƀộ Ngoại giao lơgar Uzbekistan ồng Bakhtiyor Saidov gam còp ngan ngồn lơgar Việt Nam bơh ngai 17- 19/03/2024.

VOV4.K’Ho- Ngai 18/03, tàm Hà Nội, Thượng tướng ồng Lương Tam Quang, Kwang bàng Đảng Dà lơgar, Thứ trưởng Ƀộ Kwang àng neh wă rò Mpồl ală mpồl lơh sa kă bro kâp dờng Mpồl duh broă kă bro lơgar Mỹ mờ Asean (USABC) gam geh dơ̆ lòt còp mờ lơh broă tàm Việt Nam.

VOV4.K’Ho- Ngai do (19/03), Ủy ƀan Thường vụ Quốk hội bơyai lơh Pơrjum lơh jăt Nghị quyết sồ 969 bơh Ủy ƀan Thường vụ Quốk hội Khoă XV pơlam sồr broă bơyai lơh broă lơh mblàng yal lơh loh tàm pơrjum Mpồl duh broă Jơi bơtiàn, Ủy ƀan Quốk hội dê.

VOV4.K’Ho- Nam 2004, càr Dăk Nông geh crơng gơs wơl bơh 6 kơnhoàl tiah đah jum càr Dăk Lăk (yau) dê. 20 nam tơnơ̆, càr Dăk Nông neh lik klàs bơh bơta là càr rƀah. Lơh gơs cồng nha hơ̆ geh ală tă pơgồp bơh ală đảng viên, kra ƀòn, cau geh bơngă pin dờn dê tàm mpồl bơtiàn jơi bơtiàn dồ êt nă cau dê, pơgồp bơnah dong kờl ƀòn lơgar kơ̆ kơl jăp lơngăp lơngai cíñ trị, bơtàu tơnguh lơh sa- mpồl bơtiàn. Càr Dăk Nông kung neh geh ală broă lơh pơn jăt tai ngui niam gơnoar broă bơh ală cau geh bơngă pin dờn dê tàm tiah jơi bơtiàn dồ êt nă cau, pơgồp bơnah hòi tơrgùm bơta pràn tơrgùm bal lơh jăt jơnau kờñ pơđơl pràn bơtàu tơnguh gơgơs là càr đau bơh tiah Tây Nguyên dê.

VOV4.K’Ho- Drim òr (18/03), tàm Hà Nội, Củ tịc Quôk hội ồng Vương Đình Huệ đơng lam mờ đơs sơnrờp dơ̆ pơrjum lùp mờ hơ jơnau lùp tàm pơrjum dơ̆ 31 bơh Ủy ƀan Thường vụ Quôk hội dê bè mpồl broă gơwèt gah priă jền.

VOV4.K'Ho- Thủ tướng Cíñ phủ ồng Phạm Minh Chính đơng lam pơrjum tă bơsong kal ke, sơlơ lơh hìu ơm dong kờl mpồl bơtiàn. Pơrjum geh lơh jat broă lơh pờ tơlik tơn tàm internet, tàm tơrbŏ bơh hìu lơh broă Cíñ phủ tus 63 càr, ƀòn dờng tàm gùt lơgar.

VOV4.K'Ho- Drim òr (17/03), càr Điện Biên bơyai lơh Pơrjum yal Rơndap ù tiah càr tơngai bơh nam 2021 tus nam 2030, broă wèt sền tus nam 2050. Phó Thủ tướng Cíñ phủ ồng Trần Hồng Hà neh tus bal mờ đơs đơng lam tàm pơrjum.

VOV4.K’Ho- Pơn jat tai broă lơh pơrjum dơ̆ 31, ngai do (18/03), Ủy ƀan Thường vụ Quôk hội bơyai lơh broă lơh lùp mờ hơ jơnau lùp. Ƀộ trưởng Ƀộ Tài cíñ ồng Hồ Đức Phớc mờ Ƀộ trưởng Ƀộ Ngoại giao ồng Bùi Thanh Sơn rơ̆p hơ jơnau lùp 2 mpồl broă gơwèt gah priă jền mờ cribơyai broă mờ lơgar ndai

VOV4.K'Ho - Ồng Nguyễn Thái Học, Phó Kwang atbồ Ƀan Nội cíñ dà lơgar geh Ƀộ Cíñ trị ntrờn, tam pà kơnòl at gơnoar broă Ala mat Ƀí thư Tỉñ ủy càr Lâm Đồng.

VOV4.K'Ho- Mut tàm tơngai prang duh, tàm càr Dăk Nông neh gơlik geh 11 dơ̆ ồs sa brê. Tềng đap jơnau pơhìn ồs sa gam dờng ngan, gah lơh broă geh gơnoar neh sơlơ tơnguh tai ală broă lơh rơcang sơndră ồs sa brê.