VOV4.K’Ho- Sền gròi tus kơnòm bơsram jơi bơtiàn dồ ết nă cau, nam bơsram pa, càr Lâm Đồng mờ Dăk Lăk neh bơcri priă lơh bơt bơtàu phan bơna, lơh tai uă ơdŭ bơsram dờng niam, crăp rcang wă rò kơnòm bơsram mut tàm nam bơsram pa.

VOV4.K'Ho- Mho òr (03/09), tàm Hìu lơh broă Đảng dà lơgar, Tổng Ƀí thư, Củ tịc lơgar ồng Tô Lâm neh cribơyai tàm điện thoại mờ Kwang atbồ lơgar Hàn Quôk ồng Yoon Suk-yeol.

VOV4.K’Ho- Mho òr (03/09), tàm Hìu lơh broă Đảng Dà lơgar, Tổng Ƀí thư, Củ tịc lơgar ồng Tô Lâm cri bơyai tàm internet kấp dờng mờ Củ tịc Đảng Zân củ Tự zo, Thủ tướng lơgar Nhờk ồng Fumio Kishida.

VOV4.K’Ho- Pa do, tàm Pơrjum lam lơh jăt kơnòl broă ai nam bơsram pa 2024- 2025 in geh pờ tơlik tơn tàm internet tus mờ 63 càr, ƀòn dờng tàm jơh gùt lơgar, Thủ tướng Cíñ phủ ồng Phạm Minh Chính sồr rơcăng sir tơl ală bơta ai nam bơsram pa in.

VOV4.K’Ho- Ală ngai do, nùs nhơm Ngai chờ jơh gùt làng bol jun kơnòm tus klờng mpờl gŏ làm bă thôn rềp, ƀòn ngài tiah jơi bơtiàn dồ êt nă cau bơh ală càr tiah Tây Nguyên dê. Nam bơsram pa, càr Kon tum rề ơnàng lơh uă broă lơh tơrlòng ơm sa ngai tàm hìu bơsram làng bol ròng; tơngguh uă khà kơnòm bơsram jơi bơtiàn dồ êt nă cau.

VOV4.K’Ho- Tàm jơnau lời wơl bơh Củ tịc Hồ Chí Minh dê yal nam 1969, Wa Hồ “lời wơl gĭt nđờ bơta kờñ gơboh ai jơh gùt làng bol, jơh gùt Đảng, jơh gùt mpồl ling, ai ală sau ơruh pơnu mờ kơnòm dềt in”. Wa nting tơngkah “Làng bol he dê khin cha jak chài jơh nùs tơryang tơryồng”. “Đảng pal geh broă rơndăp lơh niam ngan nàng bơtàu tơnguh lơh sa mờ niam chài, nàng kờñ sùm bơtàu tơnguh rài kis làng bol in”. Cih kah jơnau bơto bơh Củ tịc Hồ Chí Minh dê, bal mờ làng bol jơh gùt lơgar, làng bol ală jơi bơtiàn Tây Nguyên neh sùm tam klăc bal, jơh nùs lơh broă, bơt bơtàu ƀòn lơgar ngai sơlơ pas niam, ai rài kis hờm ram, hờn chờ.

VOV4.K’Ho- Jơh rài kis lơh broă kăc màng, Củ tịc Hồ Chí Minh sùm đơs tus broă lam lài tềng đăp làng bol bơh cau kwang, cau đảng viên dê, lài jơh là lam lài bè nùs nhơm niam, ơnà jăk, rài kis. Git wă nùs nhơm hơ̆, tàm tơngai do, kwang bàng, đảng viên bal mờ làng bol ală jơi bơtiàn kis tàm Tây Nguyên sùm bơsram mờ đòm jăt Wa tàm ală broă lơh, tàm hơ̆ uă ngan là tàm jơnau dờp bal lam lài lơh jăt ală srơh tàm pơròng kờñ gơboh mờ dà lơgar, sùm tam klăc bal, dùl nùs bơ̆t bơtàu ƀòn lơgar ngai sơlơ hờm ram mờ gơguh jăk.

VOV4.K’Ho- Ală nam rềp ndo, broă rơcăng mpồl cau, tề lam làng bol jak ngan là kơnòm bơsram sùm geh Huyện ủy kơnhoàl Krông Păch, càr Dăk Lăk sền gròi lơh jăt. Kơnờm bè hơ̆, khà kơnòm bơsram geh tơmŭt Đảng tàm do nam tơnơ̆ sùm jơnhoa rlau mờ nam lài. Ală kơnòm bơsram ơm tàm mpồl Đảng dê neh pơgồp lơh kơnòm mpồl cau đảng viên, gàr geh bơta tàm pơndờn, bơtàu tơngguh, lơh geh jơnau sồr bơh broă lơh tam gơl pa bơh tiah he dê.

VOV4.K’Ho- Củ tịc Hồ Chí Minh ờ hềt dùl dơ̆ lơi tus tàm Tây Nguyên, mơya tàm bồ tơngoh kơlôi sơnơng, nùs nhơm bơh Wa Hồ, tiah đah Jum dà lơgar đơs bal, Tây Nguyên đơs is sùm geh tàm plai nùs Wa dê. Lơh jăt jơnau kơ̆p kờñ bơh làng bol ală jơi bơtiàn tàm Tây Nguyên, Ƀộ Cíñ trị, Ƀan Ƀí thư Đảng neh ring bal lơh Rùp Wa Hồ mờ ală jơi bơtiàn Tây Nguyên tềng ƀlàng dờng Đại Đoàn Kết, ƀòn dờng Pleiku, càr Gia Lai. Do là broă lơh niam chài geh kwơ màng ngan, tơlik nùs nhơm bơh Wa Hồ dê mờ làng bol ală jơi bơtiàn Tây Nguyên mờ làng bol ală jơi bơtiàn Tây Nguyên gơwèt mờ Wa Hồ.

VOV4.K’Ho- Ngai Sơn tờm Dà lơgar ngai 02 nhai 9 nam do là dơ̆ is ồn ngan gơwèt mờ ală ƀòn tàm kơnhoàl Krông Păc, càr Dăk Lăk dê, tŭ geh bơyai lơh bal mờ bàr ngai chờ dờng ƀòn lơgar dê: Lơh chờ sầu riêng Krông Păc dơ̆ bàr mờ Ngai chờ niam chài ală jơi bơtiàn. Ală ngai chờ 3 tàm 1 bal mờ nùs nhơm lơh broă jal mhar tàm dơ̆ lik lơh broă uă bơh kàl tơnhào dê, broă tơrgùm bal bơh uă rơnàng làng bol dê tàm tiah tam sầu riêng uă ngan do dê, sơlơ lơh geh uă rơlao tai jơnau gơtha niam bơnĕ ngan bơh - Lơngăp lơngai is - Khat gơboh dê.