Phó Thủ tướng Cíñ phủ ồng Lê Thành Long đơs nền, Đảng, Cíñ phủ Việt Nam sùm sền dờng màng broă bơt bơtàu mờ bơtàu tơnguh bơta gĭt gơ̆p lơgar rềp bal lơh bơyô bal, lơgar lơh broă bal kwơ màng tơl làm Việt Nam mờ Lo, do là jơnau sồr di ngan, rơwah broă lơh kwơ màng mờ lơh lài ngan tàm broă lơh lơh broă mờ lơgar ndai lơngăp lơngai is, lơh tờm is, lơh broă mờ lơh bơta gĭt gơ̆p uă lơgar bơh lơgar Việt Nam dê.

Nàng kờñ bơt bơtàu mờ lơh jat broă lơh bơtàu tơnguh niam bơnĕ bơh bơta gĭt gơ̆p 2 Đảng, 2 Dà lơgar dê tàm tơngai tus, ngan là tàm nam 2025 tơngkah kir sơnrai 75 nam lơh geh bơta gĭt gơ̆p cribơyai broă mờ lơgar ndai đah 2 lơgar dê, Phó Thủ tướng ồng Lê Thành Long sồr Kwang atbồ anih lơh broă ala mat lơgar Lo tàm lơgar Việt Nam ồng Hà Vĩ mờ Kwang atbồ anih lơh broă ala mat lơgar Lo tàm lơgar Việt Nam sơlơ tơnguh tai ală anih lơh broă geh gơrềng lơgar Lo dê pơgồp bal niam mờ ală ƀộ, gah broă, ală tiah mờ lơgar Việt Nam lam lơh jat geh cồng nha jơnau ring bal mờ gĭt wă bal kấp dờng, gàr niam mờ lơh jat niam bơhiàn ờs mờng niam bơnĕ tìp mat, cribơyai sùm đah Kwang đơng lam bồ kấp dờng mờ ală kấp bơh 2 Đảng, 2 Dà lơgar dê.