Củ tịc Quôk hội ồng Trần Thanh Mẫn gờm chờ Kwang atbồ anih lơh broă ala mat lơgar Australia neh lơh sir tơngai lơh broă tàm lơgar Việt Nam; jờng rơ mờ jờng rơ uă ngan ală tă pơgồp jơh nùs bơh Kwang atbồ anih lơh broă ala mat lơgar Australia dê tàm tơngai lơh broă, pơgồp bơnah ai bơta gĭt gơ̆p Lơh broă bal Kwơ màng Tơl làm đah Việt Nam mờ Australia bơtàu tơnguh ngai sơlơ jrô ơnàng làm uă.

Củ tịc Quôk hội đơs nền, Việt Nam sùm sền broă sơlơ tơnguh tai bơta gĭt gơ̆p lơh bơyô bal mờ Lơh broă bal Kwơ màng Tơl làm đah Việt Nam mờ Australia là dùl tàm ală lơgar lơh broă bal lam lài tàm bơta gĭt gơ̆p cribơyai broă mờ lơgar ndai. Củ tịc Quôk hội kơ̆p kờñ Kwang atbồ anih lơh broă ala mat lơgar Austrlia rơ̆p pơn jat tai geh ală tă pơgồp ai bơta gĭt gơ̆p 2 lơgar in, sơlơ tơnguh rlau tai tàm ală gah lơh sa, niam chài, bơto bơtê mờ năng lượng; Kwang atbồ anih lơh broă ala mat lơgar Australia rơ̆p geh uă jơnau cih rlau tai bè Dà lơgar mờ cau Việt Nam nàng ai ală làng bol lơgar Australia in gĭt wă uă rlau tai bè lơgar Việt Nam.