Nam do, Pơrlòng geh uă broă lơh niam bè: Ngai chờ nùs nhơm dong kờl is Dà lơgar dờp bal Broă lơh nùs nhơm dong kờl is kàl mrềt nam 2024 mờ Nam pa Lơh broă nùs nhơm dong kờl is 2025 tàm ală tiah kal ke, gơtìp gơrềng bơh mìu càl rơbut dờng dà tih dà cò uă; Dơ̆ Jào khà jờng Nùs nhơm dong kờl is Dà lơgar nam 2024 mờ Dơ̆ Jờng rơ 200 mpồl dờng, ntum geh cồng nha jăk ngan tàm càr Lào Cai.

Bơdìh hơ̆ tai, ală mpồl dờng, mpồl dềt rơ̆p geh bơsram tàp tơnguh bơta pràn atbồ, đơng lam broă lơh nùs nhơm dong kờl is. Tàm broă pơrlòng, geh bơyai lơh Ràng tơlik ală broă lơh nùs nhơm dong kờl is geh pơnrơ; ală dơ̆ cri bơyai mìng dùl tơngu me. Tơnơ̆ mờ tŭ pơrjum sơn đờm, ală cau ala măt neh tus bal Pơrjum cri bơyai Nùs nhơm dong kờl is rài kis mpồl bơtiàn; Tam gơl sồ tàm broă lơh nùs nhơm dong kờl is; Tơrbŏ bal bơta pràn nùs nhơm dong kờl is; Broă tơrlòng bơceh lơh tàm broă lơh nùs nhơm dong kờl is.