Gơ rềng tus broă bàr pe anih lơh gơlik khoah hòn gơtìp Kwang àng càr Dăk Lăk sền gŏ mờ yă, tài bơh neh ngui dà sơnơm ờ gơwèt tàm mat geh ngui tàm lơh gơlik phan sa tàm lơgar Việt Nam, Kụk Niam bơkah, Lơh gơlik phan mờ Bơtàu tơnguh drà kă bro- Ƀộ Broă lơh sa mờ Bơtàu tơnguh Ƀòn lơgar pa geh Sră nggal pơyoa Sở Broă lơh sa mờ Bơtàu tơnguh Ƀòn lơgar càr Dăk Lăk sồr yal jơnau yal geh gơrềng tus broă do.

Yal jơnau yal, geh: Jơnau yal bè broă lơh atbồ sàng goh phan ngui sa tàm tiah do dê lơh jat gơwèt mờ ală anih lơh tìs bal mờ ală broă lơh glài. Sồr jòi gĭt ai wơl mờ cồng nha lơh jat tus tơngai tŭ do. Jơnau yal pơyoa ai Kụk Niam bơkah, Lơh gơlik phan mờ Bơtàu tơnguh drà kă bro in lài mờ ngai 30/12/2024. Mờ Sở Broă lơh sa mờ Bơtàu tơnguh Ƀòn lơgar càr Dăk Lăk kung pal kah sơlơ tơnguh tai mblàng yal, yal tơngĭt uă tus mờ làng bol, anih lơh sa kă bro phan ngui sa lơh bơh broă lơh sa suơn sre tàm ù tiah do dê ală jơnau sồr mờ broă lơh gròi sền, sàng goh phan ngui sa tàm lơh sa kă bro phan ngui sa. Sơlơ tơnguh tai broă lơh lòt sền, lùp sền, jat sền broă lơh jat ală kơnòl broă neh geh tam pà kấp ai anih lơh broă atbồ kơnhoàl, xã tàm ù tiah do in nàng di tŭ lơh niam wơl, gàr niam gơtùi lơh broă mờ lơh broă geh cồng nha kơnòl broă atbồ sàng goh phan ngui sa jat tam pà kấp