Tàm pơrjum, kwang đơng lam bồ ală Ƀộ neh cribơyai bè ală tơngume: bơtàu tơnguh gah lơh sa mờ măi mok kơ khí lơh gùng rơndeh ồs, bơto bơtê mpồl cau lơh broă; broă lơh hòi jà tă pơgồp priă bơcri; jat ngui, tàm jàu lơh tus lơh tờm măi mok; pơlam gùng dà bơt bơtàu ală broă lơh tơl jơnau sồr, tơl jơnau sồr Dà lơgar dê.

Đơs pơndŭt pơrjum, Phó Thủ tướng ồng Trần Hồng Hà sồr jat jơnau kờñ Jơnau lơh nền tàm pơrjum sồ 172 bơh Quôk hội dê bè gùng dà broă lơh bơcri priă lơh rơndăp broă lơh gùng rơndeh ồs lòt mhar đah Tô- đah Jum Dà lơgar. Jat tàm ală jơnau broă lơh măi mok tơrgùm bal, Phó Thủ tướng sồr Ƀộ Gùng lòt Jun pơndiang pơgồp bal mờ ală Ƀộ, gah broă, ală tiah nàng tơnggơs ală mpồl lơh broă tàm tơl tơngume mùl màl, bơh hơ̆, sền gĭt jơnau kờñ ngui ù, lơh jat broă ai ù, tam gơl niam rơndăp ù tiah tam pà tiah, rơndăp ù tiah nền cê nàng lơh geh ală ù tiah bơtàu tơnguh tiah drà, ƀòn lơgar jat gùng dà gơl gùng lòt rê, sền gĭt kờp jơh priă bơcri lơh mờ broă lơh hòi jà tă pơgồp bal nàng lơh.