Jăt jơnau yal tơn jơh lơh jăt Jơnau lơh nền tàm pơrjum sồ 18, càr Dăk Lăk neh lam lơh uă broă lơh tơrlòng lài, bè broă pơgồp bal gơnoar broă Kwang lam bồ Mpồl Hòi jà làng bol mờ Củ tịc Anih duh broă Mặt trận dà lơgar càr, tơrgùm bal Đảng ƀộ Gah ală anih lơh broă mờ Đảng ƀộ Gah ală mpồl lơh sa kă bro càr.

Càr neh gơmù 10% cau lơh broă sa priă nhai dà lơgar pơndrờm mờ nam 2015, gơmù 30 cơldŭ, ci kụk gơ wèt ală sở, mơkung gơmù 40 cơldŭ mờ ală mpồl lơh broă ndrờm pal gơ wèt ală ci kụk. Tàm tơngai tus, Dăk Lăk pơn jăt tai lơh jăt ală gùng dà broă lơh tơrgùm bal, tơmŭt bal bàr pe sở, gah, nàng kờñ tơrmù anih bơh sơnrờp mờ tơngguh uă cồng nha ătbồ. Ƀí thư Tỉñ ủy càr Dăk Lăk ồng Nguyễn Đình Trung đơs loh, broă rơndăp tăp sèng, tơrmù mpồl lơh broă pal gàr geh bơta jak chài, dipal, di mờ bơta geh ngan, mơkung bal mờ broă tơngguh uă cồng nha broă lơh kwang bàng.