Pà gĭt Việt Nam crăp rcang lơh rbàng tàm tơrbŏ bal, dong kờl sơlơ tơnguh tai lơh broă mờ ală lơgar Qatar, UAE, Saudi Arabia mờ Asean mờ ală lơgar tiah đah Jum Mat tơngai lik câu Á, Thủ tướng sồr ală sơlơ tơnguh tai lơh broă bal bơh lơgar Việt Nam mờ Mpồl duh broă Lơh broă bal vùng Vịñ (GCC); pin dờn Kwang atbồ anih lơh broă ala mat lơgar ndai ală lơgar pơn jat tai lơh jat niam gơnoar broă rbàng tàm tơrbŏ bal, jơh nùs tă pơgồp rlau tai ai broă bơt bơtàu mờ sơlơ tơnguh rlau tai bơta gĭt gơ̆p lơh bơyô bal, lơh broă bal đah Việt Nam mờ Saudi Arabia, UAE, Qatar.

Ală Kwang atbồ anih lơh broă lơgar ndai đơs nền ală lơgar Saudi Arabia, UAE, Qatar jơh nùs sền dờng màng lơh broă bal mờ lơgar Việt Nam, mơkung bơh do nàng pờ ơnàng, lơh rbàng tàm tơrbŏ lơh broă bal đah Asean mờ GCC. Đơs là, tŭ do broă lơh lơh broă bal đah Việt Nam mờ ală lơgar gam gơlik geh duh hồl uă ngan, ală Kwang atbồ anih lơh broă ala mat lơgar ndai pin dờn tàm tơngai tus, bơta gĭt gơ̆p đah Việt Nam mờ 3 lơgar rơ̆p geh bơtàu tơnguh pràn ngan, mut lơh broă ngan ngồn rlau tai, gờñ lơh geh jơh ală jơnau kờñ mờ 2 gah neh geh ai bè jơnau đơs bơh Thủ tướng dê.