Ồng Phạm Mạnh Hùng, Phó Kwang atbồ dờng Anih Jơnau đơs Việt Nam, Củ tịc Mpồl duh broă ai điềm pơrlòng dar bơh sơnrờp pà gĭt, tơnơ̆ rơwah tàm kờp jơh rlau 4 rơbô jơnau cih tus bal pơrlòng bơh 163 anih lơh ƀăo dê, Mpồl duh broă ai điềm pơrlòng dar bơh sơnrờp rơwah geh 725 jơnau cih. Cồng nha, Mpồl duh broă ai điềm pơrlòng dar bơh sơnrờp neh cribơyai, ring bal yal tơngĭt 105 jơnau cih geh mut ai điềm tàm dar dŭt ndơl.

Ală jơnau cih neh jat tàm ală bơta tàm rài kis, li la bè tơngume, gah broă mờ cih yal uă ngan ală broă lơh lài sồr lơh pa bơh Ƀộ Cíñ trị, Mpồl Duh broă Dà lơgar khoă XIII, Tổng Ƀí thư ồng Tô Lâm dê, is ồn là ală broă ai tơlik ai Dà lơgar in mờ jơh bal ală anih lơh broă cíñ trị rcang lài gơnoar broă, bơta pràn mờ jơh nùs lơh ngan ai Dà lơgar in mut tàm rài pa. Ală jơnau cih cih yal niam ngan ală bơta lơh broă bơh Quôk hội mờ Mpồl duh broă Làng bol ală kấp dê, tơrgùm tàm 3 gơnoar broă tờm bơh Quôk hội dê là lơh adat boh lam, jat sền dờng ngan rlau jơh mờ lơh nền ală broă dờng màng bơh Dà lơgar dê.