Mho òr (24/12), tàm Hìu Quốk hội, Củ tịc Quốk hội ồng Trần Thanh Mẫn đơng lam dơ̆ pơrjum bơh Anih duh broă lơh kơnòl broă sùm Quốk hội pơgồp jơnau đơs tàm broă sền sơwì, ai jơnau lơh nền ờ uă broă gơwèt gah broă priă jền kes priă, tàm hơ̆ geh: bơtơl geh jơnau kờñ bơh kes priă Dà lơgar ai ală tiah in nàng lơh jăt broă dong kờl rài kis broă lơh broă sa mpồl bơtiàn geh Dà lơgar ai lơh tàm ală nam bơh nam 2023 tus 2024 mờ dong kờl tơm priă ai mpồl cau pơgru geh bơtơl tàm nam bơsram 2022-2023 in; bơtơl geh jơnau kờñ bơh kes priă dà lơgar ai ală tiah in nàng lơh jăt Rơndăp broă Tơnguh atbồ gơwèt ù tiah geh bơh ală anih lơh sa suơn dờng dà lơgar lơh tŭ do geh ală kông ty lơh sa suơn sre, kông ty lơh sa brê bơnơm ndai, hìu nhă, cau dùl nă să ngui; khà dia sền gàr tiah kis gơwèt mờ xăng, jờu, ñơ̆k tàm nam 2025.

Jăt mờ hơ̆, Anih duh broă lơh kơnòl broă sùm Quốk hội ring bal ai jơnau lơh nền tàm pơrjum nàng ai tơnjŏ tơngai lơh jăt Jơnau lơh nền sồ 09 mờ khà priă tă uă ngan ing là 1,44% rơndăp broă priă tă, tơm ƀảo hiểm mpồl bơtiàn, ƀảo hiểm roh broă lơh mờ tơngai tus jơh ngai 30 nhai 6 nam 2025. Anih duh broă lơh kơnòl broă sùm kung sồr tơnkah, do là broă lơh ing nàng gàr niam broă atbồ, ƀảo hiểm mpồl bơtiàn tàm bơta ờ hềt thàn geh jơnau lơh nền pa mờ gam rơndăp tăp sèng tơmù niam, lơh niam wơl mpồl cau lơh broă ƀảo hiểm mpồl bơtiàn Việt Nam di jăt Jơnau lơh nền sồ 18 dê.