Nam 2025, bal mờ broă sồr lơh rơcăng kơryan kòp bơtờp, tơngguh uă bơta niam kham, sơm kòp, Ƀộ Lơh sơnơm rơ̆p tơrgùm kờp sền wơl dồ bă nền nòn, tơrmù mpồl lơh broă, rơndăp tăp sèng ală anih lơh sơnơm rơcăng lài gơ wèt Ƀộ jăt Ală jơnau neh lơh nền tơnggơs Anih tờm Kròi sền kòp tê jê să Dà lơgar. Lơh Ală jơnau neh lơh nền pơyua Thủ tướng Cíñ phủ in sền swì ring bal ntrờn ală Hìu sơnơm gơ wèt Ƀộ ai ƀòn lơgar in ătbồ jăt Ală jơnau neh lơh nền jơh ală bơta rơndăp tăp sèng, rơndăp wơl ală hìu sơnơm gơ wèt Ƀộ Lơh sơnơm tơngai tus nam 2030.

Đơs tàm pơrjum, Phó Thủ tướng ồng Lê Thành Long tơngkah, Ƀộ Lơh sơnơm pơn jăt tai lơh jăt niam broă rơndăp tăp sền rơndăp mpồl lơh broă; lơh gơs adăt boh lam wil tơl, di tŭ ală jơnau sồr, broă dong kờl bơh Đảng dê; kơlôi sơnơng jrô loh làng jơnau sồr lơh bơh ồng Tổng Ƀí thư Tô Lâm dê bè tam gơl pa pràn kơldang broă lơh lơh adăt boh lam bal mờ bơta kơlôi sơnơng lơh geh jơnau sồr ătbồ dà lơgar, mơkung gơhòi gơ jà bơceh lơh, ai tơl bơta pràn nàng bơtàu tơngguh, ai làng bol lơh tờm, là cau tờm, là jơnau kờñ, bơta gơn kơnờm kwơmàng ngan ai bơtàu tơngguh in.