Jat Sở Lơh sa mờ măi mok mờ Kă bro phan càr Lâm Đồng, kờp dŭ lài jơnau kờñ ngui sa phan bơna lồi nam mờ tơngai Sa tềp nam Ất tỵ 2025 bơh càr dê gơguh 5% pơndrờm dùl tŭ bal mờ nam lài. Nàng lơh geh jơnau kờñ ngui sa bơh drà kă bro dê, ală cau kă bro, drà sơnrờp tăc phan bơna tàm ù tiah càr dê neh ơn prap mpồl phan bơna kờp priă gơguh tus rlau 1 rơbô 820 tơmàn đong, uă ngan là 5 mpồl phan kờñ pal geh bè kòi phe, phan sa, phan sa ris, phan lơh geh bơh  broă lơh sa suơn sre mờ xăng zờu.

Ồng Trần Như Hùng Tấn, Kwang atbồ dùl drà pa dờng tàm ƀòn dờng Dà Làc pà gĭt, bơdìh mờ gàr tơl mpồl phan bơna drơng broă ngui sa, ală drà pa gam lơh broă lơh bè ờs giă, dan cih mat broă rơndăp lơh tăc phan bơna ờ tơnguh giă mờ uă bơta phan bơna.