VOV4.K’Ho- Dơ̆ tơngkah kir sơnrai 20 nam Ngai crơng gơs wơl càr Dăk Nông mờ wă rò Gai ròng Lơngăp lơngai is khà 1 geh bơyai lơh tàm mang do 23/03, tàm tiah bồt pơrđồng, tơnau dà anih tờm, ƀòn dờng Gia Nghĩa dê.

VOV4.K'Ho - Drim ngai 22/3, Mpồl cau lơh broă sa dà lơgar Việt Nam bơyai lơh pơrjum pờ tơlik tơn tàm internet gùt lơgar pơlam lơh jat Nghị quyết sồ 46 bơh Ƀộ Cíñ trị dê bè tam gơl pa, tơnguh bơta niam lơh broă bơh Mpồl cau lơh broă sa Việt Nam dê.

VOV4.K'Ho - Nam pa do, priă lơh geh bơh gah lơh sa suơn sre càr Dăk Nông dê geh rlau 34 rbô 300 tơmàn đông, gơguh 14 dơ̆, priă lơh geh bơh tam phan kờp bal geh 103 tơlak đông dùl lồ, gơguh 90 tơlak đông pơndrờm mờ nam 2004. Lơh sa suơn sre bơtàu tơnguh neh dong Dăk Nông lik bơh mat càr rƀah mờ gam lơh ngan gơ gơs là càr bơtàu tơnguh đau bơh tiah Tây Nguyên dê.

VOV4.K’Ho- Drim ngai 21/03, Thủ tướng Cíñ phủ ồng Phạm Minh Chính wă rò mpồl ală mpồl lơh sa kă bro bơh Mpồl duh broă Lơh sa kă bro lơgar Mỹ mờ Asean dê lòt còp mờ lơh broă tàm lơgar Việt Nam.

VOV4.K’Ho- Drim òr (21/03), tàm ƀòn dờng Nha Trang geh bơyai lơh Pơrjum tìp măt Khánh Hoà – Indonesia nam 2024.

VOV4.K'Ho - Rơndap broă lơh gùng lòt kuơmàng gùng Hồ Chí Minh gơl pleh tiah đah mat tơngai lik ƀòn dờng Buôn Ma Thuột neh geh Ƀộ Giao thông Vận tải bơ tơl tai rlau 330 tơmàn đông nàng drơng broă ai ù lơh rơndap broă, mơya tơngai lam lơh rơndap broă kung gam lơyài ngan. Lòt sền bơta geh ngan rơndap broă lơh, Củ tịc Ủy ƀan Ñân zân càr Dăk Lăk neh sồr ală anih lơh broă, mpồl lơh broă geh gơ rềng sơlơ tơnguh tai kơnòl broă he dê.

VOV4.K'Ho - Tŭ do neh mut tàm tơngai prang duh ngan tàm Dăk Lăk, jơnau kờñ geh dà ngui sa bơh làng bol dê gơguh uă. Anih tờm dà sàng goh mờ kloh niam tiah ơm kis ƀòn lơgar càr gam rơcang wil tơl cau lơh broă, phan bơna nàng gàr geh dà sùm, tơrmù tus khà lơyah ngan rlau jơh bè ờ tơl dà ngui sa bơh làng bol dê.

VOV4.K’Ho- Mò Võ Thị Ánh Xuân, Phó Củ tịc lơgar at ing gơnoar broă Củ tịc lơgar Kộng hoà xã hội củ nghĩa Việt Nam bơh ngai 21 nhai 03 nam 2024 tus tàm tŭ Quốk hội pồ geh Củ tịc lơgar pa.

VOV4.K’Ho- Tây Nguyên gam tàm tơngai prang dờng, dà tàm ală dà dờng, croh dà gam gơmù soăt mhar ngan, geh ờ uă tiah dà neh soăt ngan. Gah lơh sa suơn sre tàm ală tiah gam bal mờ làng bol mhar lơh jăt ală broă lơh, gàr lơngăp lơngai, geh cồng nha broă lơh sa in.

VOV4.K’Ho- Mho ngai 20/03, Thủ tướng ồng Phạm Minh Chính neh wă ồng Karthik Rammohan, Phó Củ tịc kấp dờng Tập đoàn Lam Research (lơgar Mỹ ) mờ kwang ala mat Kông ty Seojin (lơgar Hàn Quốc).