Tổng Ƀí thư ồng Tô Lâm dờp mờ đơs niam broă lơh bal, dong kờl bal pràn mờ Cíñ phủ lơgar Singapore neh ai lơgar Việt Nam in bơh tàm tŭ sơn đờm broă tam gơl pa mờ tơrgùm bal mờ ală lơgar; ai tơngŏ lơgar Việt Nam sùm sền kwơ mờ kơ̆p kờñ lơh pràn bơta git gơ̆p Tam klăc bal Jŏ jòng mờ lơgar Singapore bơtàu tơnguh ngai sơlơ pràn kơl dang, jrô ơnàng, mùl màl, geh cồng nha.

Tổng Ƀí thư ồng Tô Lâm sồr bàr lơgar tơnguh rơlao tai nùs nhơm pin dờn cíñ trị bơh ală dơ̆ tìp bal, pơgơl bal mpồl kwang bàng kấp dờng mờ ală kấp; lơh pràn broă lơh bal tàm ală gah broă bè tam gơl sồ, năng lượng lơh geh wơl nàng mŭt tàm bơta tam gơl pa pràn kơl dang, di pal mờ jơnau kờñ bal mờ broă kờñ bơtàu tơnguh tàm tơngai pa; mờ tơnguh lơh broă sền gàr dà lơgar, lơngăp lơngai.