Ồng Trương Công Thái, Phó Củ tịc Anih duh broă Làng bol càr Dăk Lăk, Lam bồ Mpồl sồr lơh broă lơh tiah nhàr lơgar càr cih dờp mờ đơs niam ală cồng nha mờ mpồl ling sền gàr tiah nhàr lơgar càr neh lơh geh tàm broă lam lơh kơnòl atbồ, sền gàr kơ̆ gơnoar tờm kơnhoàl ù tiah, lơngăp lơngai tiah nhàr lơgar; rơcang lài pơgồp bal mờ nền nòn, geh cồng nha mờ mpồl sền gàr tiah nhàr lơgar Campuchia tàm atbồ, sền gàr gùng nhàr lơgar, jrong nhàr lơgar; kwang bàng, cau ling sùm tơnguh nùs nhơm geh kơnòl, sơrlèt gan kal ke, lơh gơs niam tơl kơnòl broă geh jàu. Ồng Trương Công Thái pà git, càr Dăk Lăk sùm sền gròi, lơh gơlik bơta ƀuơn nàng Mpồl ling sền gàr tiah nhàr lơgar lam lơh niam kơnòl broă; mờ kung sồr nam 2026, kâp ủy, đơng lam ală kâp tàm Mpồl ling sền gàr tiah nhàr lơgar càr pơn jat tai đòm jat ală cồng nha neh lơh geh, gàr kơ̆ bơta tam klac bal tàm dơlam mpồl, tơnguh bơta niam, cồng nha lơh broă, crăp rơcang dờp mờ lơh geh tơl kơnòl broă tàm bơta pa.