Drim ngai 20/12, tàm Anih tờm Pơrjum Dà lơgar, Hà Nội, Mpồl Duh broă Đảng Dà lơgar, Quôk hội, Củ tịc lơgar Kộng hoà xã hội củ nghĩa Việt Nam, Anih duh broă Mặt trận Dà lơgar Việt Nam mờ Anih duh broă đơng lam Đảng Ling klàng Dà lơgar, Ƀộ Ling klàng bơyai lơh yŭ rơyùm dơ̆ tơnkah 80 nam Ngai crơng gơs Mpồl Ling klàng Làng bol Việt Nam, 35 nam Ngai chờ jơh gùt làng bol sền gàr Dà lơgar.

Dơ̆ sền jơnau bơh Tổng Ƀí thư ồng Tô Lâm sền tàm dơ̆ tơngkah kir sơnrai, đơs loh: ngai 22 nhai 12 nam 1944, Mpồl Việt Nam mblàng yal Ling tơngklàs- tờm ngan bơh Mpồl Ling klàng bol Việt Nam dê geh tơnggơs. Bơh bơta đơng lam, bơto bơtê, pơlam tàp bơh Đảng he dê mờ Củ tịc Hồ Chí Minh, Mpồl Ling klàng he dê neh bơtàu tơnguh mhar ngan, sùm lơh geh ală cồng nha lơh geh jak ngan. Tàm bơta jòng rài kah yau dê, Mpồl ling klàng sùm yờ tơnguh uă nùs nhơm kăc màng, lơh tờm, bal mờ jơh gùt làng bol sền gàr lơngăp lơngai is, gơnoar tờm, tơrgùm dùl mờ tơl làm kơnhoàl ù tiah, sền gàr Đảng, sền gàr Gơnoar atbồ, sền gàr Làng bòl mờ rài xã hội củ nghĩa. Tŭ do, tàm tơngai kăc màng pa, Tổng Ƀí thư đơs loh nùs nhơl, ală bơta lam lài lơh nền nàng Mpồl Ling klàng Làng bol in pơn jat tai lơh sir jak ngan tơl kơnòl broă, bal mờ jơh gùt Đảng, jơh gùt làng bol, jơh gùt Ling klàng he dê lơh geh ală cồng nha lơh geh pa tàm broă bơt bơtàu mờ sền gàr Dà lơgar Xã hội củ nghĩa hơ̆ là gàr kơ̆ mờ sơlơ tơnguh tai bơta đơng lam ngan ngồn, đơng lam tơn bè tơl bơta bơh Đảng dê, bơta atbồ, đơng lam bơh Dà lơgar dê gơwèt mờ Mpồl Ling klàng làng bol mờ broă lơh bơt bơtàu sền gàr Dà lơgar, lơngăp lơngai dê.