Thủ tướng ồng Phạm Minh Chính pa đơng lam pơrjum dơ̆ 5 Mpồl Sồr lơh bơh Cíñ phủ tơn jơh Jơnau lơh nền sồ 18 bơh Dà lơgar dê bè “Ờ uă bơta bè pơn jăt tai tam gơl pa, rơndăp tăp sèng mpồl kwang bàng lơh broă tàm mpồl cíñ trị ngăc ngar, gơmù niam, lơh broă pràn, geh cồng nha”.

Tàm pơrjum, Mpồl Sồr lơh neh iăt jơnau yal mờ cri bơyai, pơgồp jơnau đơs bè jơnau rơcang cih jơnau yal bơh Mpồl Kwang bàng Đảng Cíñ phủ yal Ƀộ Cíñ trị bè Jơnau rơcang cih tơn jơh lơh broă bơh Mpồl Kwang bàng Đảng Cíñ phủ, crơng gơs Đảng ƀộ Cíñ phủ gơwèt Dà lơgar. Jăt gùng dà broă lơh bơh Mpồl Sồr lơh Dà lơgar, Đảng ƀộ Cíñ phủ geh ală mpồl đảng tàm ală ƀộ, anih lơh broă ndrờm ƀộ, anih lơh broă gơwèt Cíñ phủ mờ ờ uă đảng ƀộ tàm ală tập đoàn, kông ty dờng, ngân hàng kă bro phan dà lơgar. Jơnau đơs pơn dŭt pơrjum, Thủ tướng jào Ƀộ Lơh kơnòl broă tàm dơlam pơgồp bal mờ ală anih lơh broă gơrềng bal iăt ală jơnau đơs, lơh gơs jơnau rơcang cih, lài mờ tŭ yal Ƀộ Cíñ trị. Tàm broă lơh, lơh gơs jơnau rơcang cih, pal lơh jăt nền nòn Jơnau pal jăt Đảng dê, ală jơnau đơng lam, ală jơnau geh ai bơh Đảng dê mờ lơh jăt tàm mùl màl lơh broă bơh Cíñ phủ dê.