VOV4.K’Ho- Tàm rài tam lơh mờ ling lơgar Mỹ sò tơm, tàm hơ̆ uă ngan là tơngai bơh nam 1967 tus 1975 gơl gùng Hồ Chí Minh lòt gan càr Kon Tum là tiah tờm tam lơh, kơrian cui rơcai ngai bơh ling rơndeh par mờ ling tàm ù gờl Mỹ-Ngụy dê. 49 nam tơnơ̆ mờ ngai đah jum dà lơgar geh tơnklàs, Đah tô đah jum dà lơgar tơrgùm dùl, gơl gùng geh uă gar ƀồm, mền lài do neh mùl màl kis wơl mờ bơtàu tơnguh, ală thôn ƀòn neh geh bơta chờ bơh bơta hờm ram, gơboh gơbài.

VOV4.K’Ho- Di dơ̆ tơngkah kir sơnrai 93 nam Ngai tơlik mat Đoàn Ơruh pơnu Kộng sản Hồ Chí Minh Dà lơgar (26/3/1931 - 26/3/2024), Thủ tướng Cíñ phủ ồng Phạm Minh Chính rơ̆p tìp mat tơm bơh bơr mờ ơruh pơnu.

VOV4.K'Ho - Ngai 15/3, tàm Hà Nội, Tiểu ƀan lơngăp lơngai, rơndap tap sèng Dơ̆ bơyai lơh tơngkah 70 nam tam lơh pha lin Điện Biên Phủ mờ 2, 3 pơrjum, broă dờng nam 2024 bơh Ƀộ Kwang àng dê bơyai lơh pơrjum lam lơh broă lơh gàr lơngăp lơngai, rơndap tap sèng.

VOV4.K'Ho - Mho ngai 15/3, Mpồl kwang bàng bơh Cíñ phủ bơh Ƀộ trưởng Ƀộ Ngoại giao ồng Bùi Thanh Sơn lơh kwang atbồ mpồl neh geh dơ̆ lơh broă mờ Kwang đơng lam bồ càr Kon Tum bè bơta bơtàu tơnguh lơh sa – mpồl bơtiàn càr dê.

VOV4.K'Ho - Pa do, Ƀộ trưởng Ƀộ Tài nguyên mờ Môi trường ồng Đặng Quốc Khánh bal mờ mpồl kwang bàng bơh dà lơgar dê neh geh dơ̆ lơh broă mờ kwang đơng lam bồ tờm ngan càr Dăk Lăk dê. Ală tơngume tờm geh đơs tàm dơ̆ lơh broă là broă lơh atbồ dà lơgar bè phan kuơ geh is mờ tiah ơm kis tàm càr Dăk Lăk gam gơtìp uă kòl yan, ngan là geh uă bơta ờ niam tàm broă atbồ ù tiah geh bơh anih lơh sa suơn dờng lơh broă sa suơn sre brê bơnơm.

VOV4.K'Ho - Pơn jat tai pơrjum dơ̆ 31, drim ngai 15/3, Ủy ƀan Thường vụ Quôk hội ai jơnau đơs bè broă mblàng lơh loh, cih dờp, bơsong jơnau rơcang cih Adat rơndap tap sèng, lơngăp lơngai lòt rê tàm gùng ù gờl ring bal mờ rơndap broă cih ờ ai măi rơndeh rơndồ lòt tàm gùng ù gờl mờ tàm mhàm halà nhơm tă geh angkol.

VOV4.K'Ho - Drim ngai 15/3, ồng Trương Hải Long, Củ tịc Ủy ƀan Ñân zân càr Gia Lai neh jàu Kơrnuat bơh Ủy ƀan Ñân zân càr dê pồ geh tơngai pơrgon ồng Lý Minh Thái – Phó Kwang atbồ đơng lam Sở Y tế, at gơnoar broă Kwang atbồ Sở Y tế càr Gia Lai.

VOV4.K’Ho- Tàm Pơrjum lam lơh jăt kơnòl broă đơng lam broă lơh ătbồ priă jền nam 2024 tàm ngai 14/03, Thủ tướng Cíñ phủ ồng Phạm Minh Chính đơs loh pal lơh jăt nền jơnau pơlam gùng sồr lơh bè broă lơh ătbồ priă jền, tă bơsong kal ke dong kờl gơguh tai lơh sa jăt jơnau đơs: pram gơguh, pram gơmù, pram tơnguh mhar tam gơl pràn.

VOV4.K’Ho- Pơn jat tai broă lơh pơrjum dơ̆ 31, ngai do, 15/03, Ủy ƀan Thường vụ Quôk hội tă pơgồp jơnau đơs bè broă mblàng lơh loh, iăt, kơno, tam gơl wơl gơwèt mờ 4 jơnau rcang cih Adat, tàm hơ̆ geh jơnau rcang cih Adat rơndăp tăp sèng, lơngap lơngai lòt rê tàm gùng ù gờl.

VOV4.K'Ho - Drim ngai 14/3, tềng đap bơta đơng lam bơh Củ tịc Quôk hội ồng Vương Đình Huệ dê, Ủy ƀan Thường vụ Quôk hội mut pơrjum dơ̆ 31.