Tàm pơrjum, Ƀộ Gùng lòt Jun Pơndiang neh yal bè bơta lam lơh rơndăp broă lơh gùng rơndeh lòt mhar Cần Thơ - Cà Mau gơl Hậu Giang - Cà Mau, ală mpồl lơh broă yal bè tơngai mut lơh; bơta ƀuơn, bơta kal ke, kòl yan, lơh broă rơndăp lơh gàr niam broă lơh sir tàm nam 2025, pơnđơl pràn lơh ngan lơh sir gờñ rlau mờ broă rơndăp lơh.

Đơs tàm dơ̆ pơrjum mờ kwang đơng lam bồ ală Ƀộ, ngàñ, ală tiah, Thủ tướng sồr tơrgùm cribơpyai ală broă tờm, tàm hơ̆: Sền wơl kấp ủy gơnoar atbồ ală tiah neh mut lơh uă ngan halà ờ hềt; Sền wơl broă mut lơh, lơh broă neh di mờ tŭ tơngai jat jơnau sồr halà ờ hềt; bè phan bơna bràs, lŭ rơđeh pơnring bồr; gơl gùng tuh lŭ rơđeh gam gơ kòl tàm tiah lơi, mờ cribơyai tơn jòng tai gơl gùng bơh Cà Mau tus Đất Mũi; Bal mờ hơ̆ cribơyai bè broă lơh pơgồp bal đah ală càr tàm broă ai phan bơna bơt bơtàu, bràs, lŭ rơđeh... Đơs pơndŭt pơrjum, Thủ tướng ồng Phạm Minh Chính tơngkah wơl Tiah ring Dà dờng Cửu Long geh 2 tiah gơkòl bè phan bơna bơt bơtàu gùng lòt mờ mpồl cau lơh broă. Đảng, Dà lơgar sền gròi ngan broă bơsong. Jat rơndăp ù tiah, tus nam 2030, Tiah ring Dà dờng Cửu Long geh 1 rơbô 200 kơi sồ gùng rơndeh lòt mhar, pal jơh nùs lơh ngan lơh jat jơnau kờñ do.