Tus bal dơ̆ pơrjùm geh Đại tướng ồng Phan Văn Giang, Ƀộ trưởng Ƀộ Ling klàng, bal mờ ala măt Quân ủy Dà lơgar, Ƀộ Ling klàng mờ kwang đơng lam càr. Mpồl ling  34 geh crơng gơs jăt Jơnau lơh nền bơh Ƀộ trưởng Ƀộ Ling klàng dê, tàm tơngu me tơrgùm bal Mpồl ling 3 (Ling mpồl Tây Nguyên) mờ Mpồl ling 4 (Ling mpồl Cửu Long).

Do là bàr mpồl ling tam lơh tờm bơh Ƀộ Ling klàng dê, neh geh tŭ lơh geh uă cồng nha jăk ngan tàm ală dơ̆ tam lơh sền gàr Dà lơgar, mờ 164 mpồl mờ cau dùl nă să geh jào khà Cau ling Khin cha jăk chài Mpồl ling klàng Làng bol Mpồl ling 34 geh bơyai lơh jăt broă lơh ngăc ngar, niam, pràn kơl dang mờ lơh pa, mờ bơta dờng rơlao, gơnoar broă bal mờ kơnòl geh gơguh, bal mờ geh uă phào crong, phan lơh broă pa.