VOV4.K'Ho- Di tơngkah 114 nam ngai dunia cau ùr (08/3), mho òr (07/3), tàm Hìu lơh broă Cíñ phủ, Ƀí thư Đảng dà lơgar, Phó Thủ tướng Cíñ phủ ồng Lê Minh Khái tìp mat, nting bơr gờm chờ ala mat cau ùr geh bồ tơngoh bơsram sră pơn rơ jak mờ jàu khà jờng Kovalefskaia nam 2023.

VOV4.K'Ho- Ủy ƀan Ñân zân càr Dăk Lăk pa lam lơh dơ̆ tàm pơrlòng kuơmàng gờm chờ tơngkah 120 nam ngai crơng gơs càr mờ sơn đờm lam lơh dơ̆ pơrlòng jòi git kah yau 120 nam crơng gơs, bơtàu tơnguh càr Dăk Lăk.

VOV4.K’Ho- Di ngai Dunia cau ùr (08/03) mờ ntào tam lơh Hai Bà Trưng, mho mờ mang òr (07/03), tàm Hìu Quốk hội, Củ tịc Quốk hội ồng Vương Đình Huệ tìp măt Kwang bàng cau ùr lơh broă mìng lơh dồ kơnòl broă ala măt tàm Dà lơgar mờ cau ùr đơng lam, atbồ broă lơh tàm Cơl dŭ lơh broă Quốk hội, Anih kơlôi sơnơng lơh adăt boh lam.

VOV4.K’Ho- Drim òr (07/03), tơnơ̆ mờ dơ̆ wă rò mùl màl geh lơh tàm Hìu Quốk hội, Thủ tướng Cíñ phủ ồng Phạm Minh Chính neh geh dơ̆ cri bơyai nền nòn mờ Thủ tướng lơgar Australia ồng Anthony Albanese.

VOV4.K'Ho- Tàm dơ̆ lòt còp ngan ngồn lơgar Australia, mho òr (07/3), jat jơ tiah do, Thủ tướng Cíñ phủ ồng Phạm Minh Chính neh wă mò Sharon Claydon, Phó Củ tịc Hạ viện, Củ tịc Mpồl Nghị sĩ lơh bơyô bal lơgar Australia mờ lơgar Việt Nam mờ ală cau lơh broă bal.

VOV4.K'Ho- Tàm ƀòn dờng Kon Tum, Mpồl kwang bàng bơh Đảng ủy gah mpồl lơh sa kă bro dà lơgar dê bơyai lơh Pơrjum sền sơ wì broă lơh bơt bơtàu Đảng 5 nam (bơh nam 2020 tus nam 2025) mờ lam lơh jat kơrnuat pơgồp bal lơh broă đah Đảng ủy Tập đoàn lơh sa, Tổng kông ty, Ngân hàng kă bro dà lơgar mờ kâp ủy càr jat Kơrnuat sồ 61 bơh Ƀan Ƀí thư dê.

VOV4.K'Ho- Tơngai lài, Kwang àng càr Lâm Đồng neh lơh glài git nđờ rbô nă cau lơh tìs, rơhời lơh gơlik bơta mờng kwèng neh ñô ơlak ƀièr den ờ măi rơndeh tàm gùng.

VOV4.K’Ho- Mpồl Pơlam tàp- Ntrờn làm bă tiah, Gah đơng lam Mpồl ling sền gàr tiah nhàr lơgar càr Dăk Lăk bơh sơnrờp là Đại đội 9 Kwang àng Làng bol Phàu crong bơh càr dê, geh tơlik mat ngai 30/7/1977. Kơnòl broă tờm bơh mpồl ling dê là pơlam tàp ling pa, pơlam tàp ling rcang lài lòt ling mờ kơ động rcang lài tam lơh. Sùm tàm gùng lòt mờr 50 nam, mpồl ling sùm lơh sir jak ngan kơnòl broă, pơlam tàp ling pa lơh geh bơta pràn jak, jàu ai Mpồl ling sền gàr tiah nhàr lơgar ală càr: Dăk Lăk, Gia Lai, Kon Tum, Dăk Nông, Khánh Hòa mờ Quảng Ngãi in.

VOV4.K’Ho- Drim ngai 07/3 (jat jơ tiah do), Thủ tướng Australia ồng Anthony Albanese mờ Pơ ùr neh đơng lam dơ̆ wă rò Thủ tướng Cíñ phủ ồng Phạm Minh Chính mờ Pơ ùr bal mờ mpồl kwang bàng kâp dờng lơgar Việt Nam còp ngan ngồn lơgar Australia bơh ngai 07 tus ngai 09/3.

VOV4.K'Ho - Di tơngkah ngai dunia cau ùr (08/3), drim ngai 06/3, Phó Củ tịc lơgar mò Võ Thị Ánh Xuân geh dơ̆ tìp mat ală ùr Đại sứ, kwang atbồ anih ala mat cribơyai broă mờ lơgar ndai kâp 3, Kwang atbồ ală Mpồl lơh broă dunia tàm lơgar Việt Nam mờ còp ală tiah tềl kah yau tàm ƀòn Đồng Kỵ, Từ Sơn, Bắc Ninh.