Lòt sền ù tiah ngan ngồn anih rơndăp ù tiah bơ̆t bơtàu Hìu măy, Tổng Ƀí thư ồng Tô Lâm neh iăt jơnau yal bè broă rơndăp ù tiah, bơta dờng dềt rơndăp broă lơh, broă hòi jà, tơm bơsir wơl nàng làng bol tiah rơndăp broă lơh in lơh jăt gùng dà broă lơh, jàu is măt ù lơh broă. Tổng Ƀí thư sồr gờñ lơh jăt ală rơndăp tăp sèng sră pơ àr rơndăp broă lơh, yal Cíñ phủ sền swì, ring bal mờ ai priă, lơh jăt di tơngai. Pơn jăt hơ̆, Tổng Ƀí thư tus bal dơ̆ bơyai lơh tờ ù bơ̆t bơtàu Hìu lơh uă broă, cơldŭ bơsram, mờ ală broă dong kờl ndai- Hìu bơsram Mẫu giáo Phước Dinh, kơnhoàl Thuận Nam. Do là broă bơ̆t bơtàu geh kwơmàng ngan bal mờ wil tơl phan ngui măy mŏk bơto mờ bơsram, mờ kờp jơh priă tă lơh 12 tơmàn đong bơh Tổng Ƀí thư dê jàu pà.

Mho dồ ngai bal, Tổng Ƀí thư mờ Mpồl lơh broă Dà lơgar dê lòt còp Anih ơhò ơm bơrlŭ bal Cà Ná. Di dơ̆ do, Tổng Ƀí thư ồng Tô Lâm mờ Mpồl lơh broă Dà lơgar dê lòt còp Ƀòn phan lơh bơh ù kơnềt buh Bàu Trúc, tàm ƀòn drà dềt Phước Dân, kơnhoàl Ninh Phước.