Tàm dơ̆ wă, Phó Thủ tướng ồng Bùi Thanh Sơn đơs nền nùs nhơm ờ tŭ lơi tam gơl bơh Việt Nam dê là kờñ ngan broă lơh Bàr dà lơgar, tàm hơ̆ geh broă tơnggơs dùl Dà lơgar Palestine lơngăp lơngai is mờ geh gơnoar tờm, jăt tàm gùng tiah nhàr lơgar lài mờ nam 1967 bal mờ tiah đah măt tơngai Lik Jerusalem là càr lơgar, dipal mờ adăt boh lam ală lơgar dê mờ ală jơnau lơh nền tàm pơrjum gơrềng bal bơh Liên hợp quốc dê. Kwang bàng sồr lòt lơh kơnòl broă bơh Kwang ătbồ cau Palestine dê đơs nền Việt Nam là dồ nơm krơh, jơnau lơh gơdan ờ tŭ lơi jơh ai làng bol cau Palestine in pơn jăt tai tam lơh ai geh gơnoar ờ rơgơi sơgràm phà, gơnoar lơh nền is mờ gơnoar tơnggơs Dà lơgar Palestine lơngăp lơngai is.

Bàr gah dồ nùs bal pơn jăt tai jòi ală broă lơh bơsong kal ke, ai tơl bơta lơh broă bal tàm ală broă bềng bơta pràn ndai bè kă bro phan, bơto bơtê, jak chài măy mŏk, broă lơh sa sươn sre, sơlơ tìp măt lơh kwèng bal niam chài mờ tàm tơrbŏ bal làng bol 2 lơgar. Jăt tàm nùs nhơm hơ̆, 2 gah dồ nùs bal sơlơ lam lơh ală mpồl lơh broă bal đah 2 gah.