Củ tịc Quốk hội ồng Trần Thanh Mẫn tơlik nùs nhơm chờ hờp tŭ gŏ bơta git gơ̆p đah lơgar Việt Nam mờ lơgar Nhờk neh geh ală broă bơtàu tơnguh niam bơnĕ ngan tơnơ̆ mờ rơlao 50 nam crơng gơs bơta git gơ̆p cri bơyai broă lơh bal mờ lơgar ndai mờ broă bàr gah tơnguh uă bơta git gơ̆p tus “Tam klăc bal jŏ jòng tơl ală bơta tài ring lơngai mờ pas gơs tàm câu Á mờ tàm dunia”; đơs tờm, pin dờn cíñ trị đah bàr lơgar ngai sơlơ geh gơguh.

Tàm dơ̆ tìp, bàr gah đơs nền sền kwơ bơta git gơ̆p đah Đảng Kộng sản lơgar Việt Nam mờ Đảng Kộng sản lơgar Nhờk; ring bal pơn jăt tai lơh pràn broă tìp bal đah kwang đơng lam kấp dờng bơh uă broă lơh ndrờm bal, tàm hơ̆ uă ngan là đah mpồl kwang đơng lam gam kơnòm să; pơn jăt tai geh sùm, tơnguh uă cồng nha pơgơl jơnau đơs, pơgơl nùs nhơm bè bơta tàm dunia mờ tàm tiah do, bè jơnau đơs bal mờ broă lơh mùl màl bơ̆t bơtàu củ nghĩa xã hội tàm bàr lơgar mờ tàm dunia.