VOV4.K’Ho- Ngai 06/3, Ủy ƀan Ñân zân kơnhoàl Lăk, càr Dăk Lăk bơyai lơh dơ̆ yal Kơrnoat bơh Thủ tướng Cíñ phủ, dờp xã Nam Ka là xã tiah lơngăp lơngai bơh Dà lơgar dê tàm rài tam lơh dră wơl mờ lơgar Tây mờ Mỹ.

VOV4.K’Ho– Tềng đăp bơta pơhìn gơlik geh trồ prang soăt dà, ờ tơl dà tuh ai tờm chi kàl mrềt prang in tàm ală nhai lồi kàl prang, gah lơh sa suơn sre càr Kon Tum tŭ do sơlơ tơnguh atbồ dà tàm ală tơnau bơtơ̆t rƀòng dà mờ tam pà, ngui dà di pal, tềm pềr nàng rcang sơndră trồ prang soăt dà.

VOV4.K’Ho- Drim ngai 06/03, tàm Hìu đơs crih dơng Hà Nội, geh bơyai lơh dơ̆ jàu pà sră jờng rơ Nghệ sĩ Ñân zân, Nghệ sĩ Ưu tú dơ̆ 10.

VOV4.K’Ho– Drim ngai 06/03, Củ tịc Ủy ƀan Mặt trận Dà lơgar Việt Nam Đỗ Văn Chiến bal mờ mpồl lơh broă neh geh dơ̆ lơh broă mờ Duh broă sùm Tỉñ ủy càr Điện Biên bè broă rơndăp lơh pơgồp bal tơn jơh lơh jat Rơndăp broă hòi jà tă pơgồp bal dong kờl lơh hìu Tam klăc dờng ai hìu bơnhă rƀah in wèt tus Tơngkah kir sơnrai 70 nam Tam lơh phan lin Điện Biên Phủ; Broă rơndăp lơh bơyai lơh broă lơh jờng rơ, ưn ngài ală Cau ling khin cha jak chài, cau ling chơ̆t màng tus bal tơn tàm broă lơh Điện Biên Phủ tàm càr Điện Biên dê.

VOV4.K’Ho- Drim òr (06/03), jăt jơ tàm tiah do, Thủ tướng Phạm Minh Chính tus Pơrjum Kấp dờng Kwơ màng di tơnkah 50 nam ngai git gơ̆p đah mpồl ASEAN mờ lơgar Australia geh bơyai lơh tàm ƀòn dờng Melbourne, lơgar Australia.

VOV4.K'Ho- Càr Kon Tum geh rlau 292 kơi sồ gùng nhàr lơgar rềp mờ lơgar Lào, lơgar Campuchia. Mờ nùs nhơm “Pôs đồng là hìu, tiah nhàr dà lơgar là ƀòn tờm, làng bol ală jơi bơtiàn là oh mi pròc mhàm tờm”, mpồl ling sền gàr tiah nhàr dà lơgar càr Kon Tum neh geh uă broă lơh ngan ngồn, sơlơ tơrbŏ kơ̆ nùs nhơm đềt mềr đah ling klàng làng bol tiah nhàr dà lơgar. Bơh bơta lòt bal, dong kờl bơh kwang bàng, cau ling sền gàr tiah nhàr dà lơgar dê, rài kis làng bol tiah nhàr dà lơgar dê tàm càr Kon Tum gam ngai sơlơ tam gơl niam, mpồl rơcang gàr tàm làng bol sơlơ kơ̆ kơljap rlau tai.

VOV4.K'Ho - Di dơ̆ tus bal Pơrjum kwang bàng kâp dờng kuơmàng tơngkah kir sơnrai 50 nam git gơp đah mpồl ASEAN mờ lơgar Australia, còp ngan ngồn lơgar Australia, tàm ƀòn dờng Melbourne, Thủ tướng Cíñ phủ Phạm Minh Chính neh tus bal dơ̆ tơngkah 30 nam gùng par tơn đah Việt Nam – Australia mờ tơngai Vietnam Airlines pơndiang 6 tơlak dơ̆ nac tàm gùng par Việt Nam – Australia.

VOV4.K’Ho- Mho òr (05/03), tàm Hìu Quốk hội, Ƀí thư Đảng đoàn Quốk hội, Củ tịc Quốk hội Vương Đình Huệ đơng lam dơ̆ lơh broă đah Đảng đoàn Quốk hội mờ Mpồl lơh kơnòl broă sùm Thàñ ủy ƀòn dờng Hà Nội bè Adăt Càr lơgar (tam gơl); Rơndăp ù tiah Càr lơgar Hà Nội tơngai bơh nam 2021 tus 2030, wèt tus nam 2050 mờ Rơndăp broă lơh wơl rơndăp ù tiah bal Càr lơgar Hà Nội tus nam 2045, wèt tus nam 2065.

VOV4.K’Ho- Mho òr (05/03), jăt jơ tàm tiah do, tàm ƀòn dờng Melbourne, Thủ tướng Phạm Minh Chính tus bal dơ̆ wă rò mùl màl ală Kwang lam bồ mpồl kwang bàng tus Pơrjum geh Thủ tướng lơgar Australia Anthony Albanese đơng lam.

VOV4.K’Ho- Drim ngai 05/03, jăt jiơ tiah do dê, Thủ tướng Phạm Minh Chính tus bal Cribơyai Mpồl lơh sa kă bro đah Việt Nam mờ Australia.