Đơs tàm dơ̆ lơh broă, Củ tịc lơgar ồng Lương Cường sồr càr, tàm tơngai tus, pal pơn jăt tai gĭt wă jrô jơnau kờñ, pơlam gùng pơnđơl tus nam 2030 ai càr Thanh Hoá gơgơs là “Càr pas niam, bơtàu tơngguh mờ mờ pa ngan; dùl tàm ală tiah tờm dờng bơh tiah đah tô tàm gùl lơgar mờ jơh gùt lơgar dê bè lơh sa mờ măy mŏk năng lượng mờ lơh phan, lơh mòn; broă lơh sa sươn sre bơta kwơ gơguh tai; drơng broă logistics, lòt nhơl, bơto bơtê mờ bơsram, lơh sơnơm kơlôi sơnơng jrô…dùl tiah gơguh pa bal mờ Hà Nội, Hải Phòng mờ Quảng Ninh, lơh gơlik gơs puan mum bơtàu tơngguh tàm tiah đah Tô Dà lơgar dê”, tus nam 2045 là “càr bơtàu tơngguh tơl làm mờ lơh pơlam lài bơh jơh gùt lơgar dê”.

Jăt tàm nùs nhơm hơ̆, Củ tịc lơgar sồr càr pal sùm sền gròi bơ̆t bơtàu Đảng ƀộ, gơnoar ătbồ mờ ală anih lơh broă cíñ trị sàng goh, pràn kơnhăp, tơrmù mpồl lơh broă, lơh broă gơtùi, geh cồng nha.