Đơs tàm dơ̆ pơrjum, ồng  Lưu Văn Trung, Phó Ƀí thư Duh broă sùm Tỉñ ủy càr, Củ tịc Mpồl Duh broă Làng bol càr Dăk Nông đơs nền, sră ƀăo, gah mblàng yal jơnau neh lòt bal mờ càr nàng sơr lèt gan dùl nam kal ke, lơh geh uă cồng nha tàm tơl gah broă. Tàm hơ̆, mpờl gŏ ngan là càr Dăk Nông neh bơyai lơh geh cồng nha dơ̆ tơngkah kir sơnrai 20 nam crơng gơs wơl mờ dờp rò Gai lòng Lơngăp lơngai is khà 1; sơñio sồ PCI càr dê gơguh 17 khà, ơm dơ̆ 21 jơh gùt lơgar dê.

Tàm pơrjum tơn jơh broă lơh sră ƀăo, Tỉñ ủy càr Dăk Nông neh bơyai lơh jàu khà jờng Mŭt mơ̆ biàng dơ̆ 9, nam 2024 ai 33 jơnau cih jak ngan bơh 63 jơnau cih pơyoa tus bal pơrlòng khà jờng. Anih Lơh broă sùm tiah Tây Nguyên, Anih jơnau đơs Việt Nam lơh geh 3 khà tàm bơta pờ tơlik jơnau đơs, geh: Khà B mờ jơnau cih “Ai đảng viên ling geh griăt rê mờ ƀòn lơgar, mờng chài bơh Dăk Nông dê”, khà C mờ jơnau cih “Tơnguh uă bơta niam pơrjum Ci ƀộ tàm tiah làng bol jơi bơtiàn dồ ết nă cau tàm Dăk Nông”, mờ khà pơn jờng mờ jơnau cih “Bơt bơtàu nùs nhơm kờñ gơboh Dà lơgar bơh ală dơ̆ bơsram tàm tiah nhàr lơgar”.