Tàm dơ̆ pơrjum, Mpồl Sồr lơh tơrgùm kờp sền nền ală broă bơh Mpồl Sồr lơh dê; tàm hơ̆ tơrgùm cribơyai mờ ai jơnau đơs bè broă tă bơsong ală gơkòl tàm Anih Jơnau đơs Việt Nam (VOV) tàm bơsong ală broă bơh VTC dê bơh bơta dong kờl, broă dong kờl gơ wèt mờ cau lơh broă, bơsong phan bơna mờ bơsong dồs dà lơgar tŭ tơn jơh broă lơh bơh Sơñio rùp VTC dê tam gơl gơnoar broă kơnòl broă geh gơrềng tus Anih Sơñio rùp Việt Nam.

Pơndŭt dơ̆ pơrjum, Thủ tướng Cíñ phủ ồng Phạm Minh Chính cih dờp nùs nhơm, kơnòl uă bơh ală kwang bàng tàm Mpồl Sồr lơh dê, ngan là Ƀộ Broă dơlam is- Anih lơh broă duh broă sùm Mpồl Sồr lơh mờ Cơldŭ lơh broă Cíñ phủ; sồr iăt kơno ală jơnau đơs mờ iăt kơno jơnau đơs tă pơgồp dipal ngan bơh ală anih lơh broă dê, lơh sir tai dùl broă ală sră nggal nàng yal Mpồl Sồr lơh Dà lơgar, Ƀộ Cíñ trị in. Đơs bè ală broă bơh VTC dê tàm bơsong broă cau lơh broă, Thủ tướng ai gĭt loh, nùs nhơm bal là lơh bè lơi gàr geh jơnau sồr bơh Đảng, adăt boh lam Dà lơgar dê, gàr geh gơnoar, bơta kwơ dipal mờ adăt boh lam ai cau lơh broă in.