Bal mờ broă bơyai lơh uă broă lơh hòi jà bơcri priă, kă bro phan, tàm tơrbŏ bal kă bro, yal tơngĭt ƀơta ƀuơn bơta pràn mờ ală phan bơna lơh geh bơh broă lơh sa suơn sre is ồn kwơ ngan bơh ală tiah dê tus mờ gơ̆p bơyô tàm lơgar mờ ală lơgar, broă lơh lơh broă bal đah 2 gah đah ƀòn dờng Hồ Chí Minh mờ 5 càr tàm tiah Tây Nguyên neh hời rơ hời geh sền gròi, mờ 23 tơngume lơh broă bal neh geh lam lơh dồ ròt bal. Tàm hơ̆, mìng is pơrjum hòi jà bơcri priă khat gơboh bơh ƀòn dờng Hồ Chí Minh dê bơyai lơh tàm nhai 4 nam 2024 neh dong 5 càr Tây Nguyên hòi jà bơcri priă tàm 558 rơndăp broă lơh, mờ kờp jơh priă bơcri lơh rlau 300 rơbô tơmàn đong; uă sră cih kah lơh broă bal tàm gah lơh sơnơm, gàr tơl niam rài kis mpồl bơtiàn kung geh kĭ hơ mờ hời rơ hời lam lơh geh cồng nha.

Pơrjum kung lời ai uă tŭ tơngai cribơyai, bơyai ală tơngume bè bơcri priă ai ală broă tam pà, bơtàu tơnguh tiah tam phan kơ̆ kơl jăp, sàng goh mờ geh bơta ƀuơn bơta pràn lơh broă bal tàm gah lơh broă sa suơn sre; bơt bơtàu ală broă lơh bal gah broă lơh sa suơn sre- phan brê mờ phan tàm dà, broă lơh sa suơn sre ngui măi mok pa pơgồp bal mờ lòt nhơl ƀòn brê bơnơm; lơh pràn broă lơh lơh broă bal sŏk sền bơta niam bơkah phan bơna đah ƀòn dờng Hồ Chí Minh mờ ală càr tàm tiah Tây Nguyên.