Tơnơ̆ bơnah yal Jơnau lơh nền, Củ tịc lơgar ồng Lương Cường neh jào ală Jơnau lơh nền pồ grăt Kwang atbồ anih lơh broă ala măt lơgar Kộng hoà xã hội Củ nghĩa Việt Nam ai Thứ trưởng Ƀộ Cri bơyai broă mờ lơgar ndai mò Nguyễn Minh Hằng; Thứ trưởng Ƀộ Cri bơyai broă mờ lơgar ndai ồng Phạm Thanh Bình; Kwang atbồ anih lơh broă ala măt lơgar Kộng hoà xã hội Củ nghĩa Việt Nam tàm lơgar Ấn Độ ồng Nguyễn Thanh Hải; Phó lam bồ Vụ, Phó Kwang atbồ Cơl dŭ lơh broă Ƀộ Cri bơyai broă mờ lơgar ndai ồng Ngô Toàn Thắng; mờ Cau pơgru kâp dờng, lơh broă tàm Họk viện Cri bơyai broă mờ lơgar ndai ồng Nguyễn Vũ Tùng in.

Tàm dơ̆ pơrjum, Củ tịc lơgar ồng Lương Cường chờ gờm ală Kwang atbồ anih lơh broă ala măt pa dờp Jơnau lơh nền pồ grăt Kwang ătbồ Anih lơh broă ala măt. Củ tịc lơgar kơ̆p kờñ ală Kwang atbồ anih lơh broă ala măt pơn jăt tai lơh jăt gơnoar mờ pơgồp bal niam tàm kơnòl broă bal bơh lơh broă mờ lơgar ndai  dê nam 2025 kung bè tàm tơngai tus, pơn jăt tai lơh kơ̆ kơl jăp broă lơh broă mờ lơgar ndai ƀuơn, ai tơngŏ lơgar Việt Nam tàm gùng lòt bơh tŭ tơngai dê, chồl tơngguh bơta kwơ dà lơgar- jơi bơtiàn, di pal mờ jơnau kờñ bơh broă lơh bơ̆t bơtàu mờ sền gàr Dà lơgar dê.