Tàm pơrjum, ala mat ală ƀộ, gah broă neh cribơyai bè bơta bơtàu tơnguh lơh sa- mpồl bơtiàn, bơta lam lơh ală broă lơh bơh Mpồl duh broă đơng lam pơgồp bal tiah Tây Nguyên nam 2024 mờ kờp dŭ broă lơh lơh broă nam 2025. Mơkung đơs, sồr bè gùng dà broă lơh, broă bơsong tờm mờ kơnòl broă ngan ngồn pal jàu ai ală Ƀộ, gah broă mờ ală tiah Tây Nguyên in ñàng bơyai lơh lơh bal bơtàu tơnguh kơnhoàl ù tiah mờ cồng nha uă ngan rlau jơh; Tàm hơ̆ đơs sùm ală broă bè bơtàu tơnguh năng lượng lơh gơlik wơl, broă rơndăp lơh bơcri priă bơtàu tơnguh gùng lòt tàm tơrbŏ bal kơnhoàl ù tiah, rơndăp ù tiah ngui phan kwơ geh is tàm ù.

Phó Thủ tướng Duh broă sùm Cíñ phủ ồng Nguyễn Hoà Bình sồr ală kwang bàng tàm Mpồl duh broă đơng lam pơgồp bal tiah Tây Nguyên, ală ƀộ, gah broă geh gơnoar, ală tiah tàm tiah do pơn jat tai jơh nùs, rcang lài rlau tai tàm lam lơh ală kơnòl broă, broă lơh neh geh ai, ngan là sơlơ tơnguh tai ală rơndăp broă lơh bơt bơtàu phan bơna gùng lòt gam lơyài tŭ tơngai mut lơh; sồr lơh jat geh cồng nha kơnòl broă bơtàu tơnguh lơh sa- mpồl bơtiàn pơpgồp bal mờ sền gàr lơngăp lơngai, sền gàr Dà lơgar tàm ù tiah Tây Nguyên dê.