Thủ tướng ồng Phạm Minh Chính jờng rơ mờ đơs niam ngan lơh ngan bơh Mpồl pơlam tàp, lam bồ là Cau lam bồ mpồl pơlam tàp ồng Kim Sang Sik mờ jơh ală cau lòt pơrlòng coh plai dà lơgar Việt Nam dê neh sơrlèt kal ke, bơta lòng nàng lơh geh khà jờng jak ngan Asean Kŭp nam 2024, lơh geh di nùs nhơm kơ̆p kờñ sùm mờ bơta kờñ ngan bơh làng bol Việt Nam dê, cèng wơl bơta pơnrơ dờng ai Dà lơgar tờm in. Thủ tướng đơs nền, cồng nha lơh geh do ờ mìng là bơta pơñiờ bơh tàp pràn să jan Việt Nam dê lơm mờ gam là jơnau lơh gơdan ai jơh gùt jơi bơtiàn dê in, tơnggŏ bơta kơ̆p gơn sùm brồ guh mờ lơh geh ală cồng nha jơnhoa pa.

Tàm dơ̆ tìp, Thủ tướng ồng Phạm Minh Chính ala măt kwang đơng lam bồ Đảng, Dà lơgar jàu pà phan ƀàn Gai lòng Lơh broă khà Dùl ai Mpồl lòt tàm pơrlòng coh plai cau klau dà lơgar Việt Nam dê in. Pà Gai lòng Lơh broă khà Pe ai 6 nă cau tàm pơrlòng coh plai tàm mpồl lòt tàm porlòng coh plai cau klau dà lơgar in, geh ală cau coh plai: Duy Mạnh, Quang Hải, Tiến Linh, Ngọc Đức, Đình Triệu mờ Nguyễn Xuân Son.