Phó Củ tịc lơgar mò Võ Thị Ánh Xuân wă Lam bồ ala măt UNICEF tàm Việt Nam
Thứ tư, 08:29, 08/01/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Drim ngai 07/01, tàm Hìu duh broă Củ tịc, Phó Củ tịc lơgar mò Võ Thị Ánh Xuân wă mò Slivia Danailov, Lam bồ ala măt Kes priă Kơnòm dềt Liên hợp quốc (UNICEF) tàm Việt Nam tus còp să.
Phó Củ tịc lơgar mò Võ Thị Ánh Xuân đơs loh, Việt Nam sùm sền UNICEF bè là dồ mpồl lơh broă bal bơtàu tơngguh kwơmàng ngan, geh uă tă pơgồp geh kwơ ngan ai broă lơh sền gròi, bơto mờ sền gàr kơnòm dềt Việt Nam tàm uă nđờ jơ̆t nam do. Phó Củ tịc lơgar pà gĭt, broă sền gròi, sền gàr mờ bơto kơnòm dềt là ai lài khà dùl tàm broă dong kờl bơtàu tơngguh bơh Việt Nam dê.
Kơ̆p kờñ tàm tơngai tus, UNICEF sơlơ hòi tơrgùm priă jền dong kờl broă lơh sền gàr mờ sền gròi kơnòm dềt Việt Nam, lơh jăt ală Jơnau kờñ bơtàu tơngguh kơ̆ kơl jăp gơrềng tus kơnòm dềt, ngan là broă bơto, sền gròi pràn kơldang să jan ai kơnòm dềt in, phan sa bơkah tơl pràn kơnòm dềt in, dong kờl vaccine ai Broă lơh cĭt vaccine rề ơnàng, gàr niam ring bal ùr klau.
Viết bình luận