Tổng Ƀí thư gờm chờ, jờng rơ bơta lơh ngan, pơnđơl pràn lơh ngan mờ ală cồng nha, cồng nha lơh geh mờ Đảng ƀộ, gơnoar atbồ mờ Làng bol càr dê neh lơh geh tàm tơngai pa do, is  ồn là nam 2024, lơh geh bơta gơn kơnờm nàng càr Hưng Yên bal mờ jơh gùt lơgar cơnđoà kơ̆ mut tàm “Rài pa- Rài brồ să bơh jơi bơtiàn Việt Nam dê”.

Tổng Ƀí thư đơs sùm, nam 2025, Đảng ƀộ càr Hưng yên pal gĭt wă di, jrô ơnàng rlau tai bè ală bơta mờ tơngai bal dê; sền gĭt loh bơta ƀuơn, bơta pràn bơh càr dê nàng bơh hơ̆ ai tơlik jơnau kờñ, jơnau sồr, rơwah kơnòl broă tờm mờ broă lơh tam gơl pràn nàng tơrgùm đơng lam, sồr lơh, lơh geh bơta tam gơl pa, pràn kơl dang rlau tai tàm bơtàu tơnguh lơh sa- mpồl bơtiàn, bơt bơtàu Đảng mờ ală anih lơh  broă cíñ trị sàng goh, kơ̆ kơl jăp. Càr pơn jat tai đơng lam, sồr lơh jat mhar, kràñ cê jơh nùs, geh cồng nha broă rơndăp tăp sèng mpồl cau lơh broă bơh ală anih lơh broă cíñ trị kấp càr, kấp kơnhoàl “tơrmù- niam- pràn- bơta pràn jak lơh broă, gơtùi lơh broă- lơh broă geh cồng nha”, jat di gùng dà broă lơh, pơlam gùng dà bơh Dà lơgar dê, di pal mờ bơta geh ngan bơh tiah do dê; Sền gròi bơsong broă lơh, broă dong kờl, lơh jat niam broă lơh cíñ trị bồ tơngoh gơwèt mờ kwang bàng, kông cứk, viên cứk mờ cau lơh broă.