Jat hơ̆, ngai 2/01, ồng Nghiêm neh pơyoa sră tus Mpồl Lơh kơnòl broă sùm Tỉñ ủy càr Dăk Lăk, Anih Duh broă Làng bol càr Dăk Lăk mờ Sở Lơh sa mờ măi mok mờ Kă bro phan, tơngŏ jơnau kơ̆p kờñ dan rê rlô lơh broă lài mờ jơh sơnam ai rê rlô.

Tàm sră cih, ồng Nghiêm đơs là, sùm 40 nam lơh broă ồng neh tus bal uă gah broă mờ sùm lơh sir niam ngan kơnòl broă geh jàu. Pin dờn gùng dà broă lơh pa bơh Đảng mờ Dà lơgar dê, nàng lơh geh bơta ƀuơn tàm broă rơndăp tăp sèng mpồl lơh broă, ồng lơh nền dan is rê rlô lơh broă lài mờ jơh sơnam ai rê rlô. Kwang atbồ Sở Broă dơlam is càr Dăk Lăk đơs là, broă ồng Nguyễn Văn Nghiêm dan rê rlô jơh sơnam lơh broă là jơnau lơh nền pal sền dờng màng, tơngŏ bơta rcang lài, nùs nhơm geh kơnòl tàm broă lơh, mơkung dong ală anih lơh broă, mpồl, gah broă kấp hơđang ƀuơn tàm broă lơh jat ală jơnau sồr lơh bơh Dà lơgar dê bè rơndăp tăp sèng mpồl lơh broă.