Tàm pơrjum, Mpồl duh broă Làng bol càr Dăk Lăk neh lơh jăt broă lơh tơn lời at gơnoar broă Phó Củ tịc Anih duh broă Làng bol gơwèt mờ ồng Võ Văn Cảnh; đùh sră pồ bơtơl gơnoar broă Phó Củ tịc Mpồl duh broă Làng bol càr Khoă X, tơngai lơh broă bơh nam 2021 tus 2026 gơwèt mờ ồng Võ Văn Cảnh, kwang geh jơng tàm tỉñ ủy viên, lài do Phó Củ tịc Anih duh broă Làng bol càr.

Ồng Võ Văn Cảnh geh 100% khà priă pồ ring bal. Ồng Võ Văn Cảnh deh nam 1966, ƀòn tờm xã Bình Giang, kơnhoàl Thăng Bình, càr Quảng Nam; bơsram cíñ trị kử ñân; bơsram lơh broă kử ñân gah Adăt boh lam. Kung tàm pơrjum do, cau ala măt neh đùh sră pồ bơtơl gơnoar broă Phó Củ tịc Anih duh broă Làng bol càr Dăk Lăk khoă X, tơngai lơh broă bơh nam 2021 tus 2026 gơwèt mờ ồng Trương Công Thái, kwang geh jơng tàm tỉñ ủy viên, Ƀí thư Đảng ủy mpồl ală anih lơh broă bal mờ mpồl lơh sa kă bro càr. Ồng Trương Công Thái geh 100% khà sră pồ ring bal. Ồng Trương Công Thái deh nam 1969, ƀòn tờm càr Quảng Bình; geh bơsram jơnau cíñ trị kao kấp; bơsram broă lơh kử ñân lơh sa, thạc sĩ lơh sa bơtàu tơnguh.