Tàm dơ̆ wă, Tổng Ƀí thư ồng Tô Lâm đơs nền Việt Nam sùm sền dờng màng mờ lời lài uă ngan rlau jơh ai broă lơh kơ̆ kơl jăp  mờ sơlơ tơnguh tai bơta gĭt gơ̆p tam klăc is ồn Việt Nam mờ Lào, sền do là kơnòl broă kwơ màng, geh gơtha kis gơs gơwèt mờ bơta bơtàu tơnguh bơh tơl lơgar dê; đơs sùm Việt Nam ờ tŭ lơi tam gơl kờñ lơgar Lào bơtàu tơnguh, crăp rcang tam pà mờng chài mờ Lào tàm jơh ală gah broă, 2 lơgar Việt Nam mờ Lào rơ̆p tàm sơm bat kơ̆ tê bal cơnđòa kơ̆ bơtàu tơnguh bal.

Tổng Ƀí thư sồr tàm tơngai tus Ƀộ Kwang àng 2 lơgar pal pơn jat tai đòm jat niam bơhiàn niam bơnĕ, sơlơ tơnguh tai dong kờl bal mờ gơ̆p, pơgồp bal niam, sơlơ tơnguh tai tàm yal tơngĭt bal jơnau yal, mờng chài lơh broă, gĭt loh ală bơta, pơgồp bal tam dră geh cồng nha mờ broă lơh tam dră bơh ală mpồl cau gơ jrañ kơ uềng; lơh broă bal niam rcang lài dră wơl lơh aniai bơta rung rài, tung lơtăng lơh gơ lừ, kơryan lài ală bơta cau lơh tìs gan tiah nhàr lơgar.