Thủ tướng ồng Phạm Minh Chính đơs niam broă lơh bal, dong kờl bơh lơgar Nga dê gơwèt mờ lơgar Việt Nam tàm broă bơto ală cau chài, cau jăk tàm gah năng lượng nguyên tử; lơh gơs, lơh bơnhă lơh hạt ñân Dà Làc; bơtàu tơnguh Anih tờm ñiệt đới Việt Nam – Nga; ai phan phóng xạ sền nàng git, sơm kòp ung thư.

Thủ tướng kơ̆p kờñ lơgar Nga mờ Tập đoàn Rosatom pơn jăt tai lơh broă bal, dong kờl lơgar Việt Nam ờ mìng bơtàu tơnguh năng lượng ồs đèng hạt ñân mờ gam bơtàu tơnguh gah măi mok pa hạt ñân tài jơnau kờñ ring lơngai, bơtàu tơnguh lơh sa mpồl bơtiàn. Kwang lam bồ dờng ồng Alexey Likhachev pà git, Rosatom tŭ lơi kung rơcang lài lơh broă bal, dong kờl lơgar Việt Nam lơh hìu măi ồs đèng hạt ñân; lơh anih tờm hạt ñân pa, phan lơh broă pa; tam gơl măi mok pa; lơh mờ phan tàm dơlam lơgar jơh ală bơta phan hạt ñân ai lơgar Việt Nam in.