Củ tịc lơgar đơs nền Đảng mờ Dà lơgar Việt Nam dồ nùs bal sền dờng màng mờ kơ̆p kờñ pơn jat tai sơlơ tơnguh tai bơta gĭt gơ̆p lơh bơyô bal ờs mờng mờ lơgar Mông Cổ tàm ală gah, di pal mờ bơta pràn mờ jơnau kờñ bơh 2 gah dê, lơh geh bơta kwơ bal mờ bơta kơ̆p kờñ bơh làng bol tàm tơl lơgar dê, pơgồp bơnah tàm broă gàr niam ring lơngai, kơ̆ kơl jăp, lơh broă bal mờ bơtàu tơnguh tàm tiah do mờ tàm dunia.

Củ tịc lơgar đơs nền nùs nhơm ờ tŭ lơi tam gơl bơh lơgar Việt Nam dê kơ̆p kờñ lơh jrô ơnàng làm uă rlau tai bơta gĭt gơ̆p ờs mờng, ală broă bơtàu tơnguh tam gơl pràn, ngan ngồn mờ tơl làm đah 2 lơgar dê. Bàr gah pal gờñ lam lơh ală tơngume jơnau ring bal neh kĭ hơ di dơ̆ lòt còp bơh kwang đơng lam bồ kấp dờng 2 lơgar dê kung bè tơngume pơrjum 2 Cíñ phủ, is ồn là tàm gah broă lơh sa, kă bro phan, bơcri priă, lơngăp lơngai, sền gàr Dà lơgar, bơto bơtê mờ bơta gĭt gơ̆p đah ală tiah dê. Bal mờ hơ̆, 2 gah pơn jat tai kờñ bal mờ gơ̆p tàm ală dơ̆ pơrjum ală lơgar dê di pal mờ adat boh lam ală lơgar mờ bơta kwơ bơh tơl lơgar dê.