Củ tịc Quôk hội ồng Trần Thanh Mẫn neh tus còp, pà phan ală hìu bơnhă geh sră dong kờl Dà lơgar, cau geh rài kis kal ke tàm ù tiah càr Hậu Giang dê di dơ̆ rcang wă rò sa tềp bơhiàn Dà lơgar Ất Tỵ 2025. 350 bơnah phan pà Sa tềp neh geh Củ tịc Quôk hội ồng Trần Thanh Mẫn mờ mpồl lơh broă jàu pà tus ală hìu bơnhă, cau lơh phan, cau lơh broă mờ làng bol ală jơi bơtiàn dồ ết nă cau tàm ù tiah kơnhoàl Châu Thành A mờ Phụng Hiệp, tơngŏ bơta sền gròi, sền gàr bơh Đảng, Dà lơgar dê gơwèt mờ ală rài kis gam kal ke, ngan là tàm tơngai sa tềp tus sơnam pa rê.

Củ tịc Quôk hội cih dờp, tàm hơ̆ geh kơnhoàl Châu Thành A, bulah gam uă kal ke mơya neh hòi jà tă pơgồp bal lơh geh 185 nơm hìu Tam klăc dờng, sền gròi mờr 2 rơbô 500 bơnah phan pà sa Tềp ai ală cau geh rài kis kal ke ờ pràn mờ kờp jơh priă tă lơh rlau 1 tơmàn 500 tơlak đong.