Tổng Kụk Cíñ trị lòt sền broă lơh crăp rơcăng tam lơh tàm dơ̆ Sa tềp Ất Tỵ tàm càr Dăk Lăk
Thứ hai, 10:53, 13/01/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mpồl lơh broă bơh Tổng Kụk Cíñ trị gơ wèt Ƀộ Ling klàng bơh Trung tướng ồng Trương Thiên Tô- Phó Drơng kơnòl Tổng Kụk Cíñ trị lam bồ neh lòt sền swì broă lơh rơcăng rơcăng tam lơh mờ còp, nting bơr Sa tềp mpồl phàu crong càr Dăk Lăk.
Đơs tàm dơ̆ lòt sền, Trung tướng ồng Trương Thiên Tô cih dờp mờ đơs niam ngan broă lơh rơcăng lài, drơng crăp rơcăng tam lơh, pơlam tàp, mờ ătbồ duh rơngòt adăt boh lam bơh Gah Đơng lam Ling klàng mờ Sền gàr tiah nhàr lơgar càr Dăk Lăk dê tàm dơ̆ Sa tềp bơhiàn dà lơgar dê nam Ất Tỵ 2025.
Ồng Trương Thiên Tô sồr ală kwang bàng, cau ling bơh bàr mpồl ling dê pơn jăt tai lơh jăt niam ală jơnau sồr, jơnau sồr pal lơh, sơlơ lòt sền, rơcăng lài gĭt nền broă gơlik geh, pơgồp bal mờ ală mpồl ndai nàng bơsong gơtùi ală jơnau digơlan gơlik geh mờ gàr niam rài kis phan bơna, nùs nhơm ai cau ling in, dong cau ling chờ hờp wă rò Sơnam pa, Sa tềp niam, lơngăp lơngai mờ tềm pềr.
Viết bình luận