Bal mờ ală jơnau yal bơh Duh broă sùm Mpồl duh broă làng bol càr Kon Tum, ală mpồl Mpồl duh broă làng bol, Anih cah rơña làng bol, Viện Sền sơ wì jat sền làng bol, Kụk Lơh jat jơnau lơh nền bơh anih cah rơña làng bol càr dê....

Anih duh broă làng bol càr Kon Tum rơ̆p yal 52 tơngume kwơ màng. Tàm hơ̆, cau tĕ khà sền gròi uă tus jơnau yal bè bơta lơh sa- mpồl bơtiàn nam 2024. Uă jơnau kờñ bơtàu tơnguh lơh sa- mpồl bơtiàn bơh càr dê ờ lơh geh broă rơndăp lơh geh ai, ai priă bơcri dà lơgar lơyài; lùp dồs dà lơgar kờp dŭ lơh jat geh pơgăp 4 rơbô 425 tơmàn đong, mìng lơh geh rlau 96% Jơnau lơh nền tàm pơrjum Mpồl duh broă làng bol càr dê jàu; khà tơrmù rƀah, bă ù lơh sa uă bơta chi tam ờ lơh geh jat broă rơndăp lơh... Bal mờ hơ̆ cau tĕ khà Kon Tum kung sền gròi tus cồng nha lơh jat broă tềm pềr, rcang lài kơryan pơhì pơhà; bơta atbồ, ngui jơtài dà lơgar; cồng nha lơh jat broă lơh jơi bơtiàn.