Tổng Ƀí thư ồng Tô Lâm đơs nền, Việt Nam sền dờng màng gĭt gơ̆p mờ lơgar Nhờk; đơs là ală broă mờ Cíñ phủ lơgar Nhờk mờ JBIC dê sền gròi kung là ală ai lài tam gơl pràn bơh Việt Nam tàm tơngai tus, tàm hơ̆ geh phan bơna gùng lòt rê, năng lượng, măy mŏk sồ.

Tổng Ƀí thư ồng Tô Lâm jờng rơ jơnau kơlôi lơh Mpồl bơtiàn câu Á ờ sang tai phan lơh ƀơ̆ ƀơl tiah ơm kis, gam geh hòi là sang phan ƀơ̆ ndrờm mờ zero (AZEC) bơh Thủ tướng lơgar Nhờk lài do ồng Fumio Kishida dê sồr mờ gam lơh ngan lơh jăt broă rơndăp lơh wèt tus jơnau kờñ tus nam 2050 mờ Việt Nam neh hơ tàm COP26. Việt Nam crăp rơcăng lơh broă bal mờ lơgar Nhờk mờ ală lơgar tàm ală broă pa yal, sồr lơgar Nhờk mờ JBIC pơn jăt tai lòt bal bal mờ bơta bơtàu tơngguh bơh Việt Nam dê, mơkung sền gròi ai tơl bơta tàm tơrbŏ phan bơna đah ală lơgar tiah đah jum măt tơngai lik câu Á, Tiah dềt Mekong jơh bal bè phan bơna gùng lòt rê, năng lượng, jơnau yal tơnggĭt uă.