Đơs tàm do, ala mat kwang đơng lam bồ Đảng, Dà lơgar, Củ tịc lơgar ồng Lương Cường jơh nùs gờm chờ, jờng rơ ală cồng nha lơh geh, cồng nha mờ kwang bàng, cau ling pôs đồng ling sền gàr tiah nhàr lơgar Bát Mọt bal mờ làng bol tàm ù tiah do dê neh lơh geh tàm tơngai pa do.

Jat Củ tịc lơgar, tàm tơngai tus, kờp dŭ lài ală bơta rơ̆p pơn jat tai gơlik geh kal ke, ờ gơtùi gĭt lài; ală mpồl cau gơ jrañ kơ uềng, bol bơrlơ̆ dră mờ Dà lơgar sùm jòi broă lơh dră wơl mờ kăc màng lơgar he dê; dră wơl, tam cah is bơta gĭt gơ̆p is ồn đah 2 lơgar Việt Nam mờ Lào. Tài bè hơ̆, kơnòl broă sền gàr lơngăp lơngai is gơnoar tờm, tơrgùm dùl, tơl làm kơnhoàl ù tiah bơh Dà lơgar dê tàm bơta pa ai tơlik bơta kơn jơ̆ kơn jŭt ngan. Tàm nùs nhơm hơ̆, Củ tịc lơgar sồr kwang bàng, cau ling pôs đồng Bát Mọt pơn jat tai đòm jat niam gơnoar là mpồl ling tờm, mìng lơh dùl kơnòl broă, atbồ, sền gàr tiah nhàr lơgar Dà lơgar dê; pơgồp bơnah gàr kơ̆ tiah ơm kis lơngăp lơngai, kơ̆ kơl jăp nàng bơtàu tơnguh Dà lơgar đơs bal mờ càr Thanh Hóa đơs is.