VOV4.K’Ho- Broă lam lơh “Nhai pơyoa priă tềm pềr sơm bat tê bal tài cau rƀah” tàm càr Lâm Đồng neh pơgồp bơnah lơh geh ală priă jền lơh geh ngai sơlơ niam rlau tai jơnau kờñ càn priă bơh cau rƀah dê. Tơnơ̆ rlau 1 poh lam lơh broă lơh pơyoa priă tềm pềr bal tài cau rƀah, Ngân hàng cíñ sác Xã hội càr Lâm Đồng dờp geh 67 tơmàn đong. Broă lơh gam geh bơta gơ rề uă tàm càr Lâm Đồng, gơ hòi gơ jà ngai sơlơ uă cau tus bal.

VOV4.K'Ho- Tàm dơ̆ lòt còp ngan ngồn lơgar New Zealand, mang ngai 10/3, Thủ tướng Cíñ phủ ồng Phạm Minh Chính tìp mat kwang bàng, cau lơh broă Đại sứ quán mờ mpồl bơtiàn cau Việt Nam tàm New Zealand.

VOV4.K’Ho- Rơndăp broă lơh bơtơ̆t nàng geh dà tuh phan tam kàl prang in tàm thôn Tiến Cường, xã Quảng Tiến, kơnhoàl Cư̆ Mgar, càr Dăk Lăk geh bơcri mờr 73 tơmàn đong, mơya tàm broă lơh sùm gơtìp bơcah ding dà. Dùl nam do, Ƀộ Nông nghiệp mờ Phát triển Nông thôn bal mờ UɃÑZ càr Dăk Lăk neh đơng lam pràn ngan, ală gah lơh broă gơrềng bal neh bơyai lơh kơl jăp wơl, tơmù ală bơta gam gơkòl, ờ pràn. Tŭ do, dà tàm rơndăp broă lơh do neh tus tàm suơn làng bol, drơng broă kờñ jal mhar dà tuh tàm kàl prang in.

VOV4.K’Ho- Tam lơh pha lin Buôn Ma Thuột ngai 10/03/1975 neh gơlòt mŭt tàm jơnau kah yau ling klàng tàm dơ̆ tam lơh sền gàr Dà lơgar bal mờ jơnau gơtha kwơmàng ngan là sơnđờm pha lin ai dơ̆ Sò tơm dờng mờ ntàu tam lơh kàl Prang nam 1975, tơngklàs jơh gùt ù tiah đah Jum, tơrgùm dùl dà lơgar. Bơh dồ thị xã dềt rơhền ngan, Buôn Ma Thuột ngai do rơhời gơgơs muh mat pa wèt tus là ƀòn dờng tơlir- ƀòn brê bơnơm- ngăc ngar- rài kis niam chài is, pơđơl pràn lơh ngan gơgơs là Tiah drà tiah tờm tiah Tây Nguyên dê.

VOV4.K’Ho- Tàm broă lơh ngan ngồn lòt còp lơgar Australia, mho ngai 08/03, (jat jiơ tiah do dê), tàm Canberra, Thủ tướng Cíñ phủ ồng Phạm Minh Chính neh wă kwang đơng lam bồ bàr pe Tập đoàn lơh sa, mpồl lơh sa kă bro lam lài lơgar Australia tàm ală gah bơcri priă priă jền mờ bơtàu tơnguh phan bơna bơt bơtàu; ngui, lơh gơlik phan kwơ tàm ù, lơh gơlik, tam pà kòi phe... gam kơ̆p kờñ lơh broă bal, bơcri priă tàm lơgar Việt Nam.

VOV4.K’Ho- Mho ngai 08/03, tàm Hà Nội, Mpồl sră nggal Pơrjum dờng dơ̆ 14 Đảng dê bơh ồng Nguyễn Xuân Thắng, Kwang bàng Ƀộ Cíñ trị, Kwang atbồ Họk viện Dà lơgar Hồ Chí Minh, Củ tịc Hội đồng Lý luận Dà lơgar, Duh broă sùm Mpồl, Kwang atbồ Mpồl sền sơ wì Sră nggal Pơrjum dờng dơ̆ 14 lơh Kwang atbồ Mpồl, neh lơh broă mờ Mpồl lơh sa Dà lơgar.

VOV4.K'Ho - Mho ngai 08/3, Củ tịc Quôk hội ồng Vương Đình Huệ neh wă rò Đại sứ lơgar Lo ồng Hùng Ba tàm Hìu lơh broă Quôk hội nàng kờñ cribơyai bè bơta git gơp 2 Đảng, 2 dà lơgar mờ anih lơh adat boh lam 2 lơgar.

VOV4.K’Ho- Drim òr (08/03), tàm ƀòn dờng Hải Phòng, Mpồl pơrlòng 05 ƀòn dờng gơwèt Dà lơgar tàm hơ̆ geh: Ƀòn dờng Hồ Chí Minh, Hà Nội, Hải Phòng, Đà Nẵng, Cần Thơ bơyai lơh Pơrjum tơn jơh broă lơh jăt jơnau hơ pơrlòng nam 2023 mờ kĭ hơ bal pơrlòng nam 2024.

VOV4.K'Ho - Drim ngai 08/3 (jat jơ tiah do), tàm càr lơgar Canberra, tàm dơ̆ lòt còp ngan ngồn lơgar Australia, Thủ tướng Cíñ phủ ồng Phạm Minh Chính còp mờ lơh broă tàm Mpồl kơlôi sơnơng jak chài mờ lơh sa mờ măi mok mpồl bơtàu tơnguh bal (CSIRO).

VOV4.K'Ho- Mho òr (07/3), tàm Hìu lơh broă Quôk hội, càr lơgar Canberra, lơgar Australia, Thủ tướng Cíñ phủ ồng Phạm Minh Chính tìp mat mờ Củ tịc Thượng viện Australia mò Sue Lines.